بو گئجه بغدادده نالاندی یاران فاطمه
اوغلی موسایه دوتوب شام غریبان فاطمه
عدندن باشدا قرا حوریّه همراه بتول
اشکیله گوزلر لبالب جمله سی زار و مَلول
دیلده وای موسی بن جعفر ائتدیلر ناگه حلول
محبس بغداده گلدی مو پریشان فاطمه
وای دیور غربتده زنداندا جهانی ترک ائدن
گردنی زنجیر دشمندن یارا قبره گئدن
اون بیر ایل سردابده گوزدن توکن دُرّ عدن
دور گلوب اوغلوم سنه گوز یاشلی مهمان فاطمه
بوینوی زنجیر کسمیشدی منی گتدی دیله
ایستدیم ردّ ایلیم بیر اللی دوشدیم مشکله
ایلیور زنجیرده گوردوم بالا مندن گله
قوی قوجاقیمده قالا سویلر بو قربان فاطمه
چکدی بو شهره سنی هارون نه استقبالیلن
تخته پاره اوسته محبسدن ولی نه حالیلن
حمل ائدیب جسمون مزاره دورد نفر حمّالیلن
وار یری احوالوه اولسون نوا خوان فاطمه
گر چی عمرون اولدی طولانی ولی ای با شکیب
بیر نفر اولدی مسلط جانوه چوخ نا نجیب
ظلم الینده هم اسیر اولدون همی ئولدون غریب
بو غمه مشکلدی دؤزسون سینه سی قان فاطمه
گوزلری یولدا بالالارون اورکلر بی قرار
ایلشیبلر دلشکسته قزلارون چشم انتظار
هارداسان بابا یقین معصومه سسلر اشکبار
اوخشیون قوشسون سیزه سس غرق هجران فاطمه
بیر سه ساله قیزدا بیر گون بنت شاه کربلا
شامده ویرانسراده دوشدی محصور بلا
دمبدم بابادن امداد ایستدی اول مبتلا
یا چاغیردی گَل آنا ای درده درمان فاطمه
بیلمورم هئچ هاردادی شبه پیمبر قارداشیم
سسلورم هجرونده گل قارداش رواندور گوز یاشیم
سن منی تک قویمازیدون آی منیم یول یولداشیم
گلمسون یالوار گله دریای احسان فاطمه
کوفه و شامات آراسی یولدا هنگام سفر
بسکی خستیدیم یخیلمیشدیم یره زار و مَلر
کاروان گئتمیشدی من بختی قرادن بی خبر
بیر زمان گوردوم دیور اولما هراسان فاطمه
آلدی آغوشه منی ئوپدی محبت ایلدی
هی دیله دوتدی بیر آز گرم مودّت ایلدی
آغلادی چونکی ایاقلاریمی رؤیت ایلدی
یاره لی گورجک ایاقیم سسلدی جان فاطمه
آی خانم زهرا سنی وئرّم قسم بو دختره
قیل "صفایه" مرحمت بیر دفعه ده تئز تذکره
خانوادیلن چاغیر مهمان گلیب قبرون گوره
نوحه یازسین سنده وئر مزد فراوان فاطمه
- یکشنبه
- 3
- مرداد
- 1400
- ساعت
- 16:58
- نوشته شده توسط
- یوسف اکبری
- شاعر:
-
حاج ناصر تبسمی اردبیلی
ارسال دیدگاه