عید مبعث شیعیانِ عالمه اولسون مبارک
اهل قرآن و نبیِّ خاتمه اولسون مبارک
بو مبارک گون یتیشدی ربّ الاعلادن بشارت
باشه قویدون یا محمّد سن بوگون تاج رسالت
خلوت ائتموشدی محمّد مصطفی غار حراده
گرم طاعاتیدی شخصاً ساحت ربّ العباده
گوردی بیر غیبی سروشی سسلنور ای پاکزاده
اقرء باسم رب الاعلا مصطفایه حین طاعت
باشه قویدون یا محمّد سن بو گون تاج رسالت
جلوه ی انوار حقدن مصطفانی بهت آپاردی
شوق وصلتدن شرار شمع جانانه یاناردی
گوزلری پیک وصالی غارون ایچره آختاراردی
قاصد وحیون پیامین ذکر ائدیب تاپدون سعادت
باشه قویدون یا محمّد سن بو گون تاج رسالت
همره اولدی جبرئیله گوگده یتمیش مین ملائک
چکدی میکائیلی حتّی لذّت دیدار سالک
عشق و تقواسین بگندی چون ایکی دنیایه مالک
پرچم توحید اوجالدی سنلن ای کان کرامت
باشه قویدون یا محمّد سن بو گون تاج رسالت
عرض تبریک و سلامه مشتری اولدی کواکب
زهره و ناهید و کیوان ثبت ائدیب کلّ مکاتب
حضرت خیرالورایه گورسنیب بحر غرائب
امر اولوب ذات خدادن دور ایله خلقی هدایت
باشه قویدون یا محمّد سن بو گون تاج رسالت
یا محمّد من غریق بحر عصیانم "صفایم"
شاعر آل طهارت دردمندم مبتلایم
رو سیاهم دست خالی سن غنی من بیر گدایم
روز مبعوثوندی منده ایلورم عرض ارادت
باشه قویدون یا محمّد سن بوگون تاج رسالت
سن حبیب کردگار ذات حیّ لایُراسن
ملجأ و امّید عالم خلقه عالی رهنماسن
کنز خلقتده وجودی درّ ناب پر بهاسن
روز رستاخیز سن سن امّته باب شفاعت
باشه قویدون یا محمّد سن بوگون تاج رسالت
- یکشنبه
- 3
- مرداد
- 1400
- ساعت
- 17:1
- نوشته شده توسط
- یوسف اکبری
- شاعر:
-
حاج ناصر تبسمی اردبیلی
ارسال دیدگاه