بشیر حق منّان ایدوب عالمه اعلان
دوغولدی آناسیندان بو گون حجّت یزدان
قدم قویدی جهانه
شه مُلک زمانه
ایا اُمّت قرآن جهان اولدی گلستان
گلیب نیمۀ شعبان آچوبدور گُل و ریحان
بو گون عالمه گلمیش گُل روضۀ رضوان
پیام آور غفران انیس دل انسان
قدم قویدی جهانه
شه مُلک زمانه
کلید در جنّت آچوب سایۀ رحمت
طلوع ایتّدی جمالی مه انور خلقت
گُلوب حجت قائم تاپوب فیض عبادت
خداوند کریمه ایدوب عرض ارادت
قدم قویدی جهانه
شه مُلک زمانه
نمایندۀ سبحان فزایندۀ ایمان
رهانندۀ انسان برازندۀ دوران
اوزی صاحب الاحسان اودور شافع عصیان
هوادار ضعیفان پرستار یتیمان
قدم قویدی جهانه
شه مُلک زمانه
گل باغ رسالت مه بُرج امامت
شه کوی دیانت ایدن خلقی هدایت
آدی مهدی موعود اوزی ختم ولایت
ملائکده حضوراً گلیب ایتدی زیارت
قدم قویدی جهانه
شه مُلک زمانه
بو مولود گرامی اولار امّته حامی
سالار خوف و هراسه سلاطین اَنامی
تاپار سیطره کل نفوس ایچره کلامی
ایدر دهر ده اجرا حلالیله حرامی
قدم قویدی جهانه
شه مُلک زمانه
« صفا » ده یری واردور ایده بیرده اشاره
مبارکدی قدومون بیزیم ایل و تباره
بو گون ویردی وجودون صفا لیل و نهاره
قدم قویدی جهانه
شه مُلک زمانه
- یکشنبه
- 3
- مرداد
- 1400
- ساعت
- 17:33
- نوشته شده توسط
- یوسف اکبری
- شاعر:
-
حاج ناصر تبسمی اردبیلی
ارسال دیدگاه