اینان گوزوم بو جهان پایدار قالمیاجاق
نه سن نه من نه ده بو روزگار قالمیاجاق
دانشسا بلبل دستانسرا اودا سولیور
نه گلده حُسن نه گلشنده خار قالمیاجاق
اوزوی دیده ی اغیاره ائتمه آرایش
نقدر سن بزه سون گلعذار قالمیاجاق
گورورسن عالم فانی مدام سیرده دور
نه قیش قالاندی نه یای نه بهار قالمیاجاق
بش اون گون عمردی دلدارله وفادار اول
گوزللّرون گوزلی اولسا یار قالمیاجاق
اوتور بیر آزجا آخان جویباردن درس آل
دیور سو آخدقیجا هِچ قرار قالمیاجاق
می محبّتی نوش ایله اول نگار پسند
نه می نه ساقی، و نه میگسار قالمیاجاق
داغیتما گل یوزوه زلف عنبر افشانی
او قاره تللّروه اعتبار قالمیاجاق
شراب لعلوه چوخ افتخار ائتمه گولوم
اونوندا رنگی دونوب خوشگوار قالمیاجاق
خُمار گوزلری ساخلا حجاب عصمتده
گوزون فداسی او چشم خُمار قالمیاجاق
چکیب گو گوللری زنجیره طرّه ی تارون
رها ائله سنه رسم شکار قالمیاجاق
عجب وئریب صف مژگانووه نظام قضا
رقیب گورسه اونا اختیار قالمیاجاق
محبّت عالمینون حظّی چوخ گوارادور
ستم سریری " صفا " پایدار قالمیاجاق
- یکشنبه
- 3
- مرداد
- 1400
- ساعت
- 17:52
- نوشته شده توسط
- یوسف اکبری
- شاعر:
-
حاج ناصر تبسمی اردبیلی
ارسال دیدگاه