بیت علیدن اوج ائدور افلاکه واویلا سسی
غوغا سالوبدور عالمه صدّیقۀ صغرا سسی
بیر یاندا باش باشه وئریب کلثوم و عبّاس آغلیور
بیر یاندا قطب عالمه عالم دوتوب یاس آغلیور
خضر و مسیح و مریم و نوحیله الیاس آغلیور
ای وای علیّا دولدوروب دنیانی ذی القربا سسی
قاره چکیبدی گوگلره سوگ ولی اللّهیده
عرش و فلک شرکت ائدیب ترحیم حبل اللّهیده
مکنوندی مولا اولی الامر اطیعو اللّهیده
قرآن صامتدن گلور قرآن استغنا سسی
گلمیش فغانه مسجد و محراب و منبر کوفه ده
عرشه چیخوبدور نالۀ اللّه و اکبر کوفه ده
دار فنانی ترک ائدور ایمانه مظهر کوفه ده
آل علینی آغلادور فرزند عاشورا سسی
ویرانه لرده بی کس و بی اقربالر آغلاشور
باشسیز یتیم و بیوه زن هم بینوالر آغلاشور
فریاد و واویلا دیور بختی قرالر آغلاشور
ارحم لنا یا ربّنا دیللرده واغوثا سسی
قاره گیندی کعبه ده اولدی معزّا حضرته
مروه صفا مشعر منا گلدی تماماً رقّته
باخ حیدرون اجلالینه باخ اونداکی عبدیّته
بیت حق دادارده وار شور وا ویلا سسی
زینب(س) آلیب آغوشینه قانلو عبا عمّامه سین
جانیم فدا اولسون بابا سویلر ئوپردی جامه سین
افسوس الهی مکتبون ئولدوردیلر علّامه سین
گلمور قولاقیمه داخی اول نعمت عظما سسی
زهرای(س) اطهردن سورا مأنوسدوک سنلن بابا
درد دل ایلردوک سنه دوشسیدی یاده گر آنا
ایندی کیمه ناز ایلیر آیا حسین(ع) سندن صورا
هر چند واردور مجتبی(ع) قارداشیمون گیرا سسی
بو امّت ناداندن روحیم کوسوب قلبیم سینوب
بیر گون آنامی گورموشم ئوز قانینه غلطان یخوب
بسمل قوشا بنذر منیم قلبیم او حالدا چرپینوب
من سسلدیم گوردیم ولی گلمور آنام زهرا(س) سسی
امیدمیز باغلیدی بیر شاه ولایت جانینه
دشمن بویاندیردی اونون آخر نمازین قانینه
قویدی فلک آغلار بیزی یاندوخ غم هجرانینه
دورد گُل ایکی اوتدان یانور یوخ بیر نفر یارا سسی
گئتدی بابامدا یاره لی قبره آنام تک عاقبت
زهرا(س) یارالی سینه دن یوز نیلی پهلودن شکست
شقّ القمر ائتدی بابام تاپدی علوّ مرتبت
باشی بولوندی سجده ده گلمز یل هیجا سسی
ائتمز « صفا » باور ولی بو حادث غم پروری
یارسون علینون باشینی بیر فرد کافر خنجری
حتماً رضایت کسب ائدیب بولسون او رأس اطهری
چونکی اجل مأموریده دائم گزر مولا سسی
ای مدّعی گئتمه خطا غاصبلرون ایمانی یوخ
بَخٍ و بَخٍ سویلیوب امّا غم پیمانی یوخ
بیدار اولار محشر گونی اوندا داخی درمانی یوخ
مدرک غدیر خمده مَن کُنت فَهذا سسی
- سه شنبه
- 5
- مرداد
- 1400
- ساعت
- 14:36
- نوشته شده توسط
- یوسف اکبری
- شاعر:
-
حاج ناصر تبسمی اردبیلی
ارسال دیدگاه