آیرلیق آیری ماجرادی
هرکسه بیر چتین بلادی
چوخ چتین هجره طاقت ایلر
گوزیاشیله قیامت ایلر
سس چکر قلبیدن اورکدن دانیشار
یادینه دوشدوقجا گئچن گون آلیشار
امان امان امان امان {۲}
آیرلیق جسمیدن آلار جان
دوندروب گوز یاشین ائدر قان
شخصیدن سلب ائدر قراری
تیز آلار الدن اختیاری
عمرنون رشته سین چکوب پاره لیر
داش اورک اولسا آیرلیق یاره لیر
امان امان امان امان {۲}
آیرلیق سینیه وورار اوخ
قلبیده نسگلی ائدر چوخ
غم سوزی دوشمز هیچ دوداقدان
آیرلیق تیز سالار ایاقدان
آیرلیقدان گوزه اورک قانی آخار
اریدر غصه سی هر انسانی یاخار
امان امان امان امان {۲}
آیرلیق دردی بی دوادی
هرکسه بیرگون آشنادی
غم سوزی دوزدی آه و وادی
آیرلیق آیری بیر بلادی
« صادقی » ختم ائدر بئله مطلبینی
آیرلیق ئولدوروب حسین زینبینی
امان امان امان امان {۲}
- پنج شنبه
- ۷
- مرداد
- ۱۴۰۰
- ساعت
- ۱۱:۳۷
- نوشته شده توسط
- یوسف اکبری
- شاعر:
-
محمدرضا صادقی
ارسال دیدگاه