گل اوغول عرشه چخوب دیلده فغانیم ئولورم
زهرآلـوب طـاقتیمی یوخدی توانیم ئولورم
آخـدی اشـگ بصریم
چخدی دیلدن شرریم
جوادیم گل جوادیم گل جوادیم گل
باخورام یولارا گل دیلده کی مقصوده چاتوم
رنج ایامی بوغربتده اوغول باشدان آتوم
گل جمالوندن اوپوم قبـریده آسوده یاتوم
قـویما حسرتده قالام سـَرو روانیم ئولورم
آخدی اشــگ بصریم
چخدی دیلدن شرریم
جوادیم گل جوادیم گل جوادیم گل
بیت الحزاندی خراسان من او یعقوب زمان
اولمـوشام تیرفـراقه بوچتین وقته نشان
مصری فـرض ایله مدینـه بودیاری کنعان
یوسفیـم تاب دلیـم تازه جوانیـم ئولورم
آخدی اشــگ بصریم
چخدی دیلدن شرریم
جوادیم گل جوادیم گل جوادیم گل
- شنبه
- 9
- مرداد
- 1400
- ساعت
- 13:37
- نوشته شده توسط
- یوسف اکبری
- شاعر:
-
موسی جوانی تبریزی
ارسال دیدگاه