آچ گـوزون قارداشیم ابوالفــضل
یـاور و یولــداشیــــم ابوالفئـضل
باشـــــوون یاره سیـــن گــــورنن
قان اولوب گوزیاشیم ابوالفــضل
دورقالوب اللریم بلیمده یـارالی
آدون ازبراولوب دلیمده یـارالی
اویان قــارداش
اویان قـارداش
توش اولوبسان جفای خاره
یــاره لـــر گلــــموری شماره
واریری حشره جک غـمونده
عـــــرشیان گلــسه آه و زاره
دردیمی دهریده بیری بولمیه جاق
بیرده مثلــون بوعـالمه گلمیه جاق
اویان قارداش
اویان قارداش
گلـــمیوب عالــــمه مثــــالون
یوخدی بیرکیمسده جــلالون
دونــدریب قــــدیمی کمـــانه
کـــــربلاده غـــم و مــــلالون
گلمیشم محنتونده جـانه یارالی
نالـــــه و سوزیله فغـــانه یارالی
اویان قارداش
اویان قارداش
تشـــنه لب نــار غمـــده یاندون
ظلـــــموله قــــانــــوه بویاندون
قیـــــزلارا وعــده وئرمشیــدون
قولون اوسته دوروب دایاندون
گوزلیور خیمه لرده عطشان بالالار
الــده سوجامی ایلــورافغان بالالار
اویان قارداش
اویان قارداش
اصغـــــرین آغلیــــــــور آنـاسی
جــان وئــرورتشــنه لب بالاسی
یوخ سودی شی خواره وئرسون
عــــــالمی یــــانــــدورور نواسی
گـوزیاشی سیـل تک عـُذاره آخوری
سودامــراصغــره پریشــان باخوری
اویان قـارداش
اویان قـارداش
ســـَـرو باغ ارم ابوالفـــضل
ایله لطف وکـرم ابوالفــضل
درگهــونده یانـان غمــونده
نوکــره نوکــرم ابوالفـــضل
دفتـره یاز(جــوانی)بوغملی سوزی
کربلاده حسین بویورموشدی ئوزی
اویان قـارداش
اویان قـارداش
- یکشنبه
- 10
- مرداد
- 1400
- ساعت
- 14:16
- نوشته شده توسط
- یوسف اکبری
- شاعر:
-
موسی جوانی تبریزی
ارسال دیدگاه