گوزلریمده گونوزم دونـدی شب داجه علــی
آپـاران وقتیـده گهــواروی تـاراجـه علــی
ائله بیرحـاله قـالوب بیربئله ظلـمتده رباب
اوددوتوب سینده غملی اورگیم اولدی کباب
گوزیاشیم قانه دونوب عارضیمی ائتدی خضاب
اشگــیم آخـدوخجـا اوغول آدوی ازبر ائلدیم
دیل سوزون گاهی اوغول گه علی اصغر ائلدیم
چوخ تـلاش ایلدیم آرام ائلیم بیرجه سنی
یانـدیرردی شرر تشنه لیقــون جان وتنی
قـونداقون ایچـره الون باغلادیم عفو ائله منی
اولنیــجه سینمــی نـار غمــون داغلیــاجاق
بواوغول سوز نه نون ایوای دیه جاق آغلیــاجاق
سانمادیرناق یرون اینجدی ربابین سینه سین
ال ایاق چالدون اوقدری که دوتولمشدی سسین
آزقـالـوردی عطـشوندن دوشه بنـده نفسین
باغـــلادیم اللــروی بلـــکه تــلاش ائتمیسن
دیرنـاقیــلا یـوزوی بـاری خــراش ائتمیسن
- یکشنبه
- 10
- مرداد
- 1400
- ساعت
- 23:17
- نوشته شده توسط
- یوسف اکبری
- شاعر:
-
موسی جوانی تبریزی
ارسال دیدگاه