یاحسین حر ذلیلم ایله احسان اقاجان
گلمیشم درگهیوه اتمه پشیمان اقاجان
نوکرم, اتما منی
اقا اغلاتما منی
اول زمان یولاری کسدیم سیزه ,غفلت الدیم
قلبیده پرورش کبر و منیت الدیم
چک قلم بارگناهه که اذیت الدیم
منی اغفال الدی حیله ی شیطان اقاجان
ره عشقونده گوتوردون نچه دلبر اوزوه
ایستورن منظره جنگ اولا بهتر اوزوه
دمیرم دلبرم اما ایله نوکر اوزوه
گر یوخوم ذره لیاقت ایله احسان اقاجان
ساءلون عشقیده مست می جامیندی سنون
عرش و فرشی بوروین جمله مقامیندی سنون
هم ءوزوم همده بالام ایندی غلامیندی سنون
بو آچیق سفره ده ایله بیزی مهمان اقاجان
ایستورم یولاریوا جانیمی گل تک الیم
گوی بیله اهل جهان اصغریوین ساعلیم
سوزومی ایستیورم ساقیه عطشانه دیم
عرض ایدم واسطه اول ساقی عطشان اقاجان
ایاقین باشیمه گوی تا اوجالا عرشه باشیم
هچ یوزوم گلموری تا ءوز ءوزه سنن دانیشیم
اذن ویر تا که سه ساله قیزینان من باریشیم
دردمندم ایله سن دردیمه درمان اقاجان
اتا فخر ایلیجک اولسا شهید گر بالاسی
جنگیده خوشدی نقدری دگه خنجر یاراسی
نوکرین فخریدی باش اوستونه گلسه اقاسی
من شهید اولسام اگر اولما نواخوان اقاجان
گوزومون یاشی کیمی قانیم اخا خوشدی حسین
جان ورن لحظه ده دلدار باخا خوشدی حسین
ایاقین التدا اگر جانی چیخا خوشدی حسین
جان ورنده ایدرم حالیمی اعلان اقاجان
قلبیمی غم بورویوب رفع ملال ایله منی
الیوی چک باشما اهل کمال ایله منی
دیی رقیه بالاوا اولسا حلال ایله منی
عفو ایدون نوکریزی موقع هجران اقاجان
من شهادت طلبم آرزیما چاتدیم یارالی
قلبیمه سالدیم ادین نفسی اویاتدیم یارالی
دفتره عشقه "خدایی نیده" قاتدیم یارالی
نه اولار فوری ورن ثبتینه فرمان اقاجان
- دوشنبه
- 11
- مرداد
- 1400
- ساعت
- 17:11
- نوشته شده توسط
- یوسف اکبری
- شاعر:
-
حسین خدایی زنجانی
ارسال دیدگاه