کربلاده تشنه لیک ایلیوب طوفان بو گجه
آل حیدر هامیسی قالمیشی عطشان بوگجه
خیمه لرده هامی طرح ایلوری برنانه سینی
هر کس اشگیله یازور دفتره غم نامه سینی
آلوب آغوشه رباب نازیله دردانه سینی
هی دءیور صبر اوغلوم ننه قربان بو گجه
بیر طرف درس وءروری زینب ایکی شیرنره
بیر طرفده بویانوب مادریلر اشگ تره
نگراندی هامی قیزلار بالاجا صودامره
اناسی ناله اءدور تاپموری درمان بو گجه
ساقی کرب و بلا باشینی سالمیش اشاقا
کیم گوروب دنیادا میزبان سویی کسین قوناقا
ناگهان گوردی خانوم قیز قدم آتدی قاباقا
عرص اءدوب چاره اءله ساقی طفلان بوگجه
دیوری ایله نظر تشنه بناته عموجان
قویدولار بیعتی قیمت بو فراته عموجان
سو ندن وءرمور عدو اهل صلاته عموحان
وار سویون اصغریمه سن ایله احسان بوگجه
دءدی یوخدی سو الان مشگیده خجلت چکورم
ساقیم اما الان ءولمگه حسرت چکورم
میدانا گتمگه قارداشیمه منت چکورم
سو گتیرم گوزلیم اولما نوا خوان بوگجه
هی رباب اوخشیورید ای گل نورسته بالام
بشیگه باغلی الی قوش کیمی پربسته بالام
جان بالام دوزلی بالام ای اورگی خسته بالام
صبر اءله طاقتین اولسون گل خندان بوگجه
سینمه درناقیوی چالما قانا باتدی اوغول
ساقینون یوخدی سویی مشگینی گورستدی اوغول
سنه ناز اءتمه گی ایا کیم ءورگتدی اوغول؟
لبلرین سوز عطشدن اولنوب قان بوگجه
یوم گوزون دینجله سن دمده غنیمتدی علی
اناوی اغلادیسان بو نه محبتدی علی
گوی لبین بوسه لیوم بو گجه فرصتدی علی
اناوی بیرده لبوندن اءله مهمان بو گءجه
نه قوجاقدا قالیسان نه بیر آز ارام اولوسان
قورویوب دیل دوداقین بس نیه هیچ یوخلامیسان
تیتریور ال ایاقین گوزلریوی باغلامیسان؟
اءلیر چاره سنه خالق سبحان بو گجه
باخ رقیه نجه ناله نجه افغان اءلیور
سنه حسرتله باخور اشگینی گوزدن الیور
سس اوجالدوقجا باجیلار سنی تءز دوره لیور
نقدر یالواریم ایا سنی قران بو گجه
- دوشنبه
- 11
- مرداد
- 1400
- ساعت
- 17:18
- نوشته شده توسط
- یوسف اکبری
- شاعر:
-
حسین خدایی زنجانی
ارسال دیدگاه