گیدورم حسین سو دالیجا من نقدر باخوب اوتانیم اقا
عموسون رقیه امین بیلر نجه گتمیم دایانیم اقا
سوروشا رقیه هانی عموم دءین ایندی تءز گلر آی قیزیم
سیزه سو فراهم اءده که چون عطشین حالین بیلر آی قیزیم
سنی یادینه سالار ایندی بس ادیوی یواش دیر آی قیزیم
سو گتیرمسم گئله ائتمسین او سه ساله مهربانیم اقا
سویی آلدیم اما بیر آز سودان دوداقیمی هیچ تر ائدنمدیم
گلوب اوخ دیوبدی سو مشگیمه اوتانوب خیامه گلنمدیم
سو کیمی قانیم توکولوب یئره اورگیم سوزونده دینمدیم
گوزه اوخ دئیوب،کسیلوبدی قول سپیلور سمایه قانیم آقا
اگر ایستیرن که بو عرصه ده بو کمکسیزی اقا تئز تاپان
یئره چکمیشم باخاسان اگر بو اخان قانیله یولا نشان
فقط اغلاما بو یارالینی بئله وضع حالدا گورن زمان
منی عفو ائله که دورانمورم ایاق اوسته تا دایانیم اقا
وئررم بو باشی سنه فدا بیلوسن اسیر محبتم
انام اهل بیته کنیزیدور منم ئوزومده خادم عترتم
ولی ایندی تشنه رقیه دن نجه من خدایا خجالتم
سو یوخومدی صبر ائلیم نجه دایانوب بو حاله یانیم اقا
باشیم اوسته گلدون الان اگر بو محبتی بولورم حسین
گوزوم اوخلانوبدی دوشوبدی قول علمیم یاتوب ئولورم حسین
دم خجره یتیشوب باشیم سنون آدیوی دیورم حسین
قویا قاتلیم بو گئدن زمان باشیوا دوروب دولانیم آقا
یتیشوبدی گوگلره ای قلم بو گئجه غم و محنون سنون
دعا ائت "خدایی " باش اوستونه گله شاه بی کفنون سنین
دئی ئولنده قبر ائوینه انان قویا قاره پیرهنون سنین
وئره تا اجازه بو ماتمه بیر آز اشگیمه بویانیم آقا
- دوشنبه
- ۱۱
- مرداد
- ۱۴۰۰
- ساعت
- ۱۷:۲۱
- نوشته شده توسط
- یوسف اکبری
- شاعر:
-
حسین خدایی زنجانی
ارسال دیدگاه