امیر دل و جان دی عباس آقام
الفبای ایمان دی عباس آقام
هوادار قرآن دی عباس آقام
حسین جسمینه جان دی عباس آقام
یم جود و احسان دی عباس آقام
هامی درده درمان دی عباس آقام
ابالفضل صالح اولان بنده دی
اونا کیم دخیل اولسا ایمنده دی
ایکی عالم ایثاری ارزنده دی
وفامعدنی اولمیوب زنده دی
اگرچه فرات اوسته شرمنده دی
یم عهد و پیمان دی عباس آقام
اونی هردل پاک و اطیب تانور
وفا آسمانینده کوکب تانور
اورکده اولان تابله تب تانور
اونی ذکر روز و شب لب تانور
علمداری ارباب و زینب تانور
رگ غیرته قان دی عباس آقام
ابالفضل آیین و دین اوغلودی
مسلم کتاب مبین اوغلودی
علینون اوجا بوی امین اوغلودی
رشید و دلیر و معین اوغلودی
ابالفضل ، ام البنین اوغلودی
بله فخردوران دی عباس آقام
اوگون سینه سین غصه تنگ ایلدی
دیمه لحظه مولا درنگ ایلدی
کمیتین و یااینکه لنگ ایلدی
او دمکی آقا عزم جنگ ایلدی
هجوم اهل شره پلنگ ایلدی
یل پهلواناندی عباس آقام
سپاه دغایه دوروب رو به رو
رجزله دیوب سوزلرین مو به مو
که ای لشکر فاجر و کینه جو
حسیندی ویرن عالمه آبرو
ایدربیرباخیشدا سیزی زیر ورو
بلی مرد ایمان دی عباس آقام
قشون سیزده کی غیرته عاراولا
گونوزلر گوزوزده شب تار اولا
حسینون گرک دشمنی خواراولا
کیموز واردی تامردپیکاراولا
منیم کار زاریمده تا زار اولا
بونوعی رجزخواندی عباس آقام
حسین آیت کبریادور بیلون
دل و جان خیرالورادور بیلون
گل باغ خیرالنسادور بیلون
قانی خون پاک خدادوربیلون
قدم تپراقی توتیادوربیلون
دیوبدی حسین جان دی عباس آقام
حسین معنی قل کفی دور بیلون
باشا افسری انما دور بیلون
هامی درده والله دوا دور بیلون
که درگاهی باب الشفادور بیلون
بو احیاگر کربلادور بیلون
قدومینده قربان دی عباس آقام
بوجسمیله بو جان حسینونکیدی
رگیمده گزن قان حسینونکیدی
گوزل عهد و پیمان حسینونکیدی
بوتون کون و امکان حسینونکیدی
ره دین و قرآن حسینونکیدی
دلاور بیراصلان دی عباس آقام
غرض حمله ایتدی آقام لشگره
دولیدی قشون میمنه میسره
گلن باشلاری توش ایدوب خنجره
دوشوب واهمه داش اولان دیللره
اونی چوخلاری اوخشادیب حیدره
مگر شاه مردان دی عباس آقام
چاتوب سس اودم مارد ابلهه
چخوب خیمه دن باخدی راه و چهه
باخوب لشگره بیرچالوب قهقهه
باسوبلار اونی احسنه به بهه
باخوب شیرزهرا گلن روبهه
گلن بیلدی نادان دی عباس آقام
دوروب روبرو خیر و شر برملا
غرض اولدی میداندا محشربپا
باخوبدی ابالفضله کان جفا
آتوب نیزه سین مارد بی حیا
ایدوب قصد عباسی آتدان سالا
ولی مرد میدان دی عباس آقام
دوتوب نیزه ماردی چون قلم
ویروب سرنوشتین بونوعی رقم
ویروب نیزه نی حلقوموندان اودم
یازوب مرگ بر قوم شوم و ظُلَم
جهاندا حسینه فقط نوکرم
خروشنده طوفاندی عباس آقام
آلوب نهری ویردی آقام پرچمی
سو دولدوردی مشکه قوتاردی غمی
بیرایش گوردی حیران قویوب عالمی
نظرده آلوب حالت اخیمی
قویوب حسرت عباس عجب علقمی
سوایچموبدی عطشاندی عباس آقام
یولون سالدی نیزاریده معبره
توسل ایدوب قلبیدن حیدره
یتورسین سویی تز علی اصغره
عقابین آلوب دورینی شب پره
گلن کرکسی قیردی توکدی یره
جهانگیر دوران دی عباس آقام
ولی دوره سین اهل شام آلدیلار
مسیرجفاده اوگون قالدیلار
اولارکی تماما بد افعالدیلار
داشا شیشه عمرینی چالدیلار
اوزون قولارین مکریلن سالدیلار
قشون ایچره ویلان دی عباس آقام
ویروب آنینا اوخ گروه عنود
دوشوب لرزیه بوستمدن وجود
چخاردا اوخی ایلیوبدور سجود
اگنده باشین عبد حی ودود
ویروب نوفل دون باشیندان عمود
آت اوسته پریشان دی عباس آقام
سومشکین هدف ایلیوب اشقیا
باسوب مشکینی جان کیمی باغرینا
امیدی گیدوب اولدی مایوس آقا
توکوب گوزیاشین سویلدی گوییا
خجل اولدوم اطفالیدن ای خدا
بیله غرق افغان دی عباس آقام
دوشنده عقاب اوستن اول محترم
باخوب خیمیه سسلدی دیلده غم
اخا گل هرایه یاتوب دای علم
باشیم اوسته حتی گلوبدی ننم
سنی گورمسم حقه جان ویرمرم
گوزی یولدا نالان دی عباس اقام
یتور مطلبی باشه دای(آذرین)
اولوب مستمع لرهامی دلغمین
سوزون سعی ایله تا اولا آتشین
چاتار دادوه سرو ام البنین
اباالفضلی گوزله دم آخرین
وفاسی فراوان دی عباس آقام
- شنبه
- 27
- دی
- 1399
- ساعت
- 18:28
- نوشته شده توسط
- یوسف اکبری
- شاعر:
-
ودود آذرین خلخال
ارسال دیدگاه