اخشام اولاندا یتیمون دوشر یادا باباسی
فغان و ناله سینه آغلیار باجی آناسی
گوزون تیکر یولا سسلر هایانداسان باباجان
دوشوبدی تنگه اورک یوخدی دردیمین چاراسی
رقیه هر گجه گوندوز هی اوخشیار آغلار
سیزلیار توکر اشگین باشیندا وار بلاسی
دیر بابام ندن عمه منی گوزوندن آتوب
دوزوم واریمدی ولی اینجیدور ایاق یاراسی
سماده آی عموم عباسیمه چوخ اوخشیوری
بوخسته جانیمه گلسین ابوالفضلین قاداسی
اقلی آی دی گوروم هاردادی بابام بوگجه
دینن داخی قیزوون چخمیر شیرین صداسی
دینن رقیه یوزون سیلی چوخ گووردیبدی
سولان گلستان تک قامیبدی هیچ صفاسی
دیین کی عمه می چوخ وردولار گلنده بابا
نه گونلره بیزی سالدی او کربلا بلاسی
- سه شنبه
- ۱۲
- مرداد
- ۱۴۰۰
- ساعت
- ۱۳:۲۵
- نوشته شده توسط
- یوسف اکبری
- شاعر:
-
حسین خدایی زنجانی
ارسال دیدگاه