آخشام اولاندا باتار گون گوزه گلر اولدوز
بیری که گوزلیه یول چتین دوزر باباجان
اورک دولار غمیله آهی آهی اوسته چکر
توکر سرشگی ایکی گوزللری سوزر باباحان
ورالا زخم زبان که سنون بابان یوخدور
بو پاره پیرهنیله قیزون گزر باباجان
باشیمدا قاره نی گورجک اولوب دیله کیمین؟
سوزیله طعنه وروب صبریمی ازر باباجان
یزید قیزی دیدی هانی سنون داخی گلننون؟
دیدیم که ترک اتمز، بابام گلر ، باباجان
او وردی طعنه منه ، سویلدیم دانش ای قیز
بو اشگیمی گلجک اکبریم سیلر ،باباجان
آدیم رقیه دی دانش ،عقده گشایم قیز
اوکس کی دردی اولان عممه دیر، باباجان
یوخومدی گوشواره منیم اگر گله اکبر
آلوب قوجاقه منی گوشوار آلار باباجان
یواش دیوم گوی اقلا اشیتمسین عمم
یوزمده سیلی یری ، منی بزر باباجان
یورولموشام یارالی گل قیزین یارالی اولوب
بو خیردا اللریمی باخ طناب کسر باباجان
گوندوزلر ایستی هوا ،گجه سویوق یللر
اینجیدر منی که زبس جانیمه اسر باباجان
آنام ربابدا علی اصغرینی اوخشیوری
خیالیده بلگین هی آچوب ، بلر باباجان
فدا او گوزلریوه گل رقیه نی ده آپار
الینده قمچی الان زجر دون گلر باباجان
- جمعه
- 15
- مرداد
- 1400
- ساعت
- 18:41
- نوشته شده توسط
- یوسف اکبری
- شاعر:
-
حسین خدایی زنجانی
ارسال دیدگاه