اولدی ادینه و گوزلور سنی دنیا مهدی
بس نه موقع گلجکسن دءنن آیا مهدی؟
قلبیمیز قانه دونوب اشگیمیزی قانه قاتوب
جوشلانور گوزلریمیز اشگیله دریا مهدی
اقا بیچاره و مسکین چوخالور وار خبرین؟
بو مصیباته یوخوم طاقتیم اصلا مهدی
بی حجابی کوکونی برک اءلیوب جامعه ده
جنگ نرم فاتحیدور گورنجه اعدا مهدی
ءولوب انسانلارین ایمانلاری دیلرده اقا
زنده اءتمز ءولنی دای دم عیسی مهدی
مکتبه شیعه خطرده دولانور تز گل بس
سست اولان پایه لری سن اءله احیا مهدی
ریشه ی فقر و نفاقین کوکونی قازمالیسان
کسجک ریشه ی کفری تیغ برا مهدی
گل اقا ایله ظهور قربان اولوم مقدمیوه
تءز یتیش دادیمیزه یوسف زهرا مهدی
باخ "خدایی" سنون عشقونده اءدور سیر اقاجان
شافع اول بیزلره در محشر کبرا مهدی
- جمعه
- 15
- مرداد
- 1400
- ساعت
- 18:55
- نوشته شده توسط
- یوسف اکبری
- شاعر:
-
حسین خدایی زنجانی
ارسال دیدگاه