گوزیوی آچ یاتما زهرا
ستاره تک باتما زهرا
یوخومدی سنسیز توانیم
علینی آغلاتما زهرا
فدا اولدون دین و قرانه
دای منی گوزون آتما زهرا
چاره م منیم یوخدی
دیلده غمیم چوخدی
سس وئر علیه یا زهرا
سیخیلدون دیواره زهرا
دچاره اولدون خاره زهرا
هجوم قوم جفادن
سینه نن اولدی یاره زهرا
قالوبسان بین در و دیوار
توش اولوبسان مسماره زهرا
چاره م منیم یوخدی
دیلده غمیم چوخدی
سس وئر علیه یا زهرا
بو دنیاده کامه چاتدون
گوزون یاشین قانه قاتدون
ال اوزدون زهرا جهاندان
بو تپراقین آلتدا یاتدون
علینی قویدون تک و تنها
بس نیه زهرا گوزدن آتدون
چاره م منیم یوخدی
دیلده غمیم چوخدی
سس وئر علیه یا زهرا
سنه عالم سینه داغلار
توکر گوزیاشین قان آغلار
قانه باتمیش کوینگیوی
علی تا وار عمری ساخلار
مگر رسمیدی که اهل کین
گلستانیده گل ایاقلار؟
گل تک سولوب زهرا
قلبیم دولوب زهرا
سس وئر علیه یا زهرا
- جمعه
- 15
- مرداد
- 1400
- ساعت
- 21:9
- نوشته شده توسط
- یوسف اکبری
- شاعر:
-
حسین خدایی زنجانی
ارسال دیدگاه