ایکی باجی بوجهاندا اولوبدی مظلومه
بیریدی زینب زهرا بیریده معصومه
بیری علی قیزیدی شاه کربلا باجیسی
بیریده شاه خراسان امام رضاباجیسی
بیری مدینه ده نوردل اقام حیدر
بوبیرسی دسته گل بیت موسی جعفر
بیری حسین ادیناچوخ علاقه سی واریدی
بیری رضانی چوخ ایستردی قارداشایاریدی
بیری اولنده دیردی حسین گل ای قارداش
بیری قم ایچره دیردی رضااولیدی کاش
بیری الوبدی قوجاقه اولنده بیرکوینک
بیری قویوبدی رضانامه سین یانوبدی اورک
هرایکی باجی اولوبدی دیارغربتده
هرایکی سیده یانوبدی شرارمحنتده
دیارقمدا ولی تک قالوبدی معصومه
چوخ اغلیون بوگجه بوغریب ومظلومه
دیردی شهر قم ایچره منه مزارقازون
باشیم داشیندارضاادینی اولده یازون
یازون کی یوسیفیمی گورمدیم جوان اولدوم
رضایه حسرت اولوب غمله باغریقان اولدوم
یازون کی منتظریدیم گورم رضایوزونی
یازون کی واردی علاقم اوپم گوزل گوزونی
یازون کی شهر قم اهلی منه گتوردی گول
ولی او شامیده سپدیلر عمه باشینه کول
یازون قم اهلی عجب بوغریبه باش ویردی
ولی اوکوفه لیلر عمه جانه داش ویردی
یازون کی قالمادی معصومه قمدا چوخ بی یار
یازون کی گورمدی رنج شمادت وبازار
یازون کی وردیله سو اولمدی بوقیزعطشان
کفن گتوردی قم اهلی بدن اولوب پنهان
یازون کی گورمدی داغ اسارت ای یاران
یازون کی خیمه سی اولموبدی غارت ای یاران
یازون کی شاه خراسان رضانی ایستردی
یازون کی تربت کرب وبلانی ایستردی
- جمعه
- 15
- مرداد
- 1400
- ساعت
- 21:29
- نوشته شده توسط
- یوسف اکبری
- شاعر:
-
حجت مرتضایی
ارسال دیدگاه