اللها قربان اولوم زینبی اعلا یارادیب
زینبین عشقینه عشق اهلینی بینا یارادیب
گلدی دنیایه خانوم جلوه لنوب عرش برین
دست نقاش زمان زینبی زیبا یارادیب
زین اب یعنی که زینتدی دامان پدر
آدی زیبادی که تک خالق یکتا یارادیب
گوزونی آچمادی بیر کیمسه که آلادی قوجاقا
غنچه جسمی گله بنزیر که سراپا یارادیب
فاطمه سویلدی بابا گوزون اچمیر زینب
اولمیا زینبی رب ناقص الاعضا یارادیب
دیدی وئر اوغلوم حسین زینبی آلسین قوجاقا
قارداشی گورسون عجب وصلتدی غوغا یارادیب
تاحسین آلدی قوجاقه زینب آچدی گوزونی
گوردی معبودی حسینی نه دل آرا یارادیب
ایستیر یار گوز آچاندا گوره یارین گوزونی
حق باجی قارداشا بو عشقیده تنها یاریب
زینبین عشقینه دیوانه اولان چوخ واردی
صبر و ایمان و وفا شانینی کبری یارادیب
صبرینی وصفه چکم صبریمی یازماق قوتارار
صبریده صابر مطلق اونی دریا یارادیب
بیر بئله عاشق ودیوانه سی واردی خانومون
بیر بئله عاشق و دیوانیه صحرا یارادیب
سائل کوی خانوم اولسا "خدایی " دیجک
ائله الحق که خدا زینبی یکتا یارادیب
- شنبه
- 16
- مرداد
- 1400
- ساعت
- 12:43
- نوشته شده توسط
- یوسف اکبری
- شاعر:
-
حسین خدایی زنجانی
ارسال دیدگاه