سجادم دلبند مصطفایم
من نور چشمان مرتضایم
درد هجره مبتلایم
عبد حق زین العبایم
یادگار دلغمین
شهریار کربلایم
یارب یارب یارب یارب
سجادم حقه پشتیبانم من
حامی مکتب قرآنم من
نچه ایلدور دیده گریانم من
مانوس آه و اشک و نوایم
گورموشم من غملی بلوا
کربلاده اولدی غوغا
نهر علقمده یخلدی
مرکبیندن تشنه سقا
سجادم شاکرم هر بلایه
گتدی دشمن بیزی کربلایه
آخدی بابامین قانی منایه
اوگوندن منده غرق عزایم
محشر اول گون ظاهر اولدی
ظلمولن دین باغی سولدی
وحشتیلن خیمه گاهه
کوفه نین اشراری دولدی
سجادم گورموشم عاشورانی
اهلبیتین اوجالدی فغانی
دشمن ویردی هر یالقوز قالانی
شاهد صحنه های جفایم
گورموشم طوفان قوپاندا
خردا قیزلار آغلاشاندا
دامنی نازلی باجیمون
خیمه لرده اوت دوتاندا
سجادم حق دیوب حق دانیشدیم
اسلامین یولوندا چوخ چالیشدیم
چوخ غم اوزگتدی دلدن آلیشدیم
داغدار شاه شهدایم
ظلمه اهل شر تلسدی
اوندا قاره یللر اسدی
شمر کافر تا بابامین
سو یانیندا تشنه کسدی
سجادم آغلادیم باش سیز شاهه
دوشموشدی یارالی قتلگاهه
قاتل باخمادی فریاد و آهه
او گوندن غرق آه و نوایم
شمر دون محشر یاراتدی
دود محنت عرشه چاتدی
بیر گونون عرضینده غملر
عمه می یوردی قوجاتدی
سجادم چکموشم چوخ غصه لر
دوغراندی مناده گل تک اکبر
اوخلاندی بوغازدان تشنه اصغر
شاهد غم آل عبایم
محنت عظمانی گوردوم
اوخلانان طرلانی گوردوم
قانلی میدانداآدامسیز
من قالان سلطانی گوردوم
سجادم شامیدن اورک قاندی
غم غم اوستن سینمه قالاندی
اوت توکدودشمن عمامم یاندی
گرفتارغصه وبلایم
چوخ چتین اولدی او ساعت
دشمن ایلوردی شماتت
قلبیمی درده گتوردی
رنج و آلام اسارت
(عارفم)دردمندم یاسجاد
ایله دعادلدن اولوم ارشاد
قلب ویرانمی ایله آباد
دخیلم قاپوندا چون گدایم
آدیواقربان آقاجان
منبع احسان آقاجان
درگهیوه گلمیشم من
ایستورم درمان آقاجان
- یکشنبه
- 17
- مرداد
- 1400
- ساعت
- 12:11
- نوشته شده توسط
- یوسف اکبری
- شاعر:
-
رضا محمودی عارف زنجانی
ارسال دیدگاه