یا حسن عسگری
شیعه لرین یاوری
حجت پاک خدا
ملک ولا رهبری
غملرین یاد ایدیب آغلارام
غصه دن سینمی داغلارام
مظلوم آقا مظلوم آقا
ای شرف ما سوا
بند دل مرتضی
عالم معنا سنه
آغلادی خیرالنسا
مفخر پنج تن یاحسن
ای غریب وطن یاحسن
ای بیزه روح و روان
دردی اورکده قالان
دورینی ای دهریده
دشمن نادان آلان
اللری سینه ده جان ویرن
دین اوسته ظلم بیحد گورن
صبریده دریا آقا
عالمه مولا آقا
درگهیوی اوتلادی
گور نجه اعدا آقا
حالیوه بحر و بر آغلادی
گلدی اوغلون گوزون باغلادی
غارته گتدی چمن
اولمادی داده گلن
جدی غریبی یادا
غملی زماندا دوشن
اولمادی جدیوه آغلیان
جان ویرنده گوزون باغلیان
پرپر اولوب گللری
باتدی قانا إللری
تشنه بویاندی قانا
اکبر و هم اصغری
قلبینی اهل کین سیخدیلار
دین ایووین ظلمولن یخدیلار
سرور دورانن حسین
پیکری شان شان حسین
(عارفین) ایله اوزون
دردینه درمان حسین
سن شه اولموشام من گدا
دلده وار حسرت کربلا
مظلوم آقا مظلوم آقا
- یکشنبه
- 17
- مرداد
- 1400
- ساعت
- 21:50
- نوشته شده توسط
- یوسف اکبری
- شاعر:
-
رضا محمودی عارف زنجانی
ارسال دیدگاه