گلدی دنیایه شرافت مظهری
وار یوزونده جلوه پیغمبری
گلدی ایتسون اهل حقه رهبری
یاده سال اول ماه سیما منظری
سسله دلدن یا امام عسکری
وارث آل عبادیر عسکری
زینت عرض و سمادیر عسکری
حجت پاک خدادیر عسکری
دولدوروب انواری چون بحر و بری
سسله دلدن یا امام عسکری
گلشن زهراده زیبا گول آچیب
عرشیان حمد و ثنایه دیل آچیب
بو آقا دنیاده چوخ مشکل آچیب
شاد ایدیب دنیاده چوخلی مضطری
سسله دلدن یا امام عسکری
عسکری سلطان دین احمدی
عسکری جاناندی نور ایزذی
عسکری اهل ولانین سرمدی
جلوه سی دوتموش هامی عالملری
سسله دلدن یا امام عسکری
کیم مرید اولسا اونا ایتمز خطا
کیم چالا درگاهینی ایلر عطا
ایستوسن تا که اولان حاجت روا
اول گیلان بازار عشقه مشتری
سسله دلدن یا امام عسکری
نا امید اولما آقا احسان ایدر
لطفینی سائللره ارزان ایدر
چاره سیز درده یقین درمان ایدر
(عارفا) ورد ایله نام دلبری
سسله دلدن یا امام عسکری
- یکشنبه
- 17
- مرداد
- 1400
- ساعت
- 21:53
- نوشته شده توسط
- یوسف اکبری
- شاعر:
-
رضا محمودی عارف زنجانی
ارسال دیدگاه