عاشقم یاران لقای یاره ایل دور ثانیم
آز قالور عمریم قوتارسین عشق سرگردانیم
حسرتم شش گوشه قبرین بیر طوافین گورمکه
آغلورام بیگانه هردن فکر ایدوردیوانیم
گوز یاشین سیلمیشم من قلبیمین آئینه سین
گورموشم اوندا حسینین عاشق دیرینه سین
باشنی زینب یاراندا سینه زنلر آنلیوب
پنجهء عشق اینجیدنمز اهل عشقین سینه سین
سینه ویرام کربلا عشقینده سوزوسازیلن
ایلرم آه و فغان و ناله خوش آوازیلن
آستان قدس مولاده یخلسام قوخمیون
نوکرین ارباب قوزارالفتیلن نازیلن
یا حسین سن شمع سن من بیر یانان پروانیم
آغلورام عشقونده دیولر بلکه من دیوانیم
باشیوه بیر یول دولانسام یانماقیم آسان اولار
یانماسام عشاق ایچینده کیم بولر آیانه یم
طوطی طبعیم دیور کای بلبل شیرین سخن
سن بش اون گونلوک گلین سیروصفاسین نیلوسن
گل((امینی))لن قوشول بیرباغبانه یالوارون
تا اوزی لطف ایلسین دنیاده هرنه ایسته سن
- پنج شنبه
- 21
- مرداد
- 1400
- ساعت
- 12:2
- نوشته شده توسط
- یوسف اکبری
ارسال دیدگاه