عم اوغلی من بو ایوده دوقوز ائل اولدوم سنه یولداش
ولی سن سسلدون بو دوقوز ائلده حی منی قارداش
نه بو یولداشلیقا خاطر نه ده قارداشلیقا خاطر
فقط اللهه خاطر قبریمه گل هفته ده بیر باش
عم اوغلی من بو ایوده رنج آپاردیم گنج اله گلسین
نه قویدوم خاری یول تاپسین که گلشنده گله گلسین
او بلبللر که مندن یادگار دی صاحب اول سنده
دلون قربانی دیندور هیچ بیرین قویما دله گلسین
عم اوغلی من بو ایوده بیر گلیدوم خاره توش اولدوم
آنام تک باغبان الدی سنون تک قاره پوش اولدوم
او پروانه که دائم پر چالاردی باشیمین اوسته
لطافتلی یانان بیر شمعدوم ایندی خموش اولدوم
عم اوغلی من بو ایوده بیر عروس بی مثالیدوم
گونوز بیر گون گجه روشنگر مینلر هلالیدوم
نه ایدوم پیک اجل بو آیرلیقدا دست به کار اولدی
من آیریلماق مقامین ایستمزدیم با کمالیدوم
- جمعه
- 22
- مرداد
- 1400
- ساعت
- 12:10
- نوشته شده توسط
- یوسف اکبری
ارسال دیدگاه