دایان ای مظهر طاها علی صبر ایله دایان
سنه قربان اولا لیلا علی صبر ایله دایان
نه شتابان گیدوسن ای گوزومون نوری اوغول
آه و واویلا علی صبر ایله دایان
سنه قربان ای گل زیبا نه دیدیم دگدی اوغول
او گوزل میلیوی مندن گددیشون اگدی اوغول
غم هجرون منه بالله ایله اُلمگدی اوغول
منی گل دفن بویور یا علی صبر ایله دایان
بو بیاباندا آدامسیز آناوی آتما علی
گوزمین یاشینی خون دلیمه قاتما علی
داخی اوز آغلاماقونلان منی آغلاتما علی
گولوشور لشگر اعدا علی صبر ایله دایان
هدفون عالی هدفدور عملون عالی عمل
هتمی دیللرده قیامون اولاجاق ضرب مثل
گیدوسن گیت ولی بیر لحظه ده دیداریمه گل
وار آناندا بو تمنا علی صبر ایله دایان
بولورم بنزه موسن سن بو گدیشدن گله نه
یازیلوب اسمیوه جسمون علی قانه بله نه
او قدر قالمور امیدیم آغاجی سیلکله نه
اولا بی برگ سراپا علی صبر ایله دایان
- جمعه
- 22
- مرداد
- 1400
- ساعت
- 12:31
- نوشته شده توسط
- یوسف اکبری
ارسال دیدگاه