اهل جهانه ور خبر ای باد خوش خبر
یتدی تمامه لیل فراق اولدی نو سحر
قویدی قدم بو عالمه عالم پناهمیز
مسند آلبدی ملک ولایتده شاهمیز
عصرین امامی ویردی رخ عالمه عَلم
مدح یازاندا شأنینه عاجز قالور قلم
گلدی وجود عالمینه شاه انس و جان
خلد و جنان و جنته تبدیل اولوب جهان
فرش و فضای سامره ده البشاره وار
برج بلند صاحب عصره اشاره وار
عرش و فلک ده حور و ملک لر سرود اوخور
صلح و صفا و سلم و سلام و درود اوخور
نرگس الینده بیر گل زیبانی اوینادیر
زین جهان و یوسف زهرانی اوینادیر
باغ دا چمن ده قیش قوتاریب نو بهار اولور
بلبل اوخور گلیله گولور خاری خار اولور
برج ولایت اوستونه بیر نور تولانور
جمله جهان و عالم امکان ایشیقلانور
فخر بیزیم دی شیعهٔ اثنا عشر بیزوک
خاصه جهانین اهلی بولور بختور بیزوک
بیز که ولایت عاشقی یوک نقد جانیلن
عهد و وفا بیزیم کی دی صاحب زمانیلن
تنگه دوشنده مهدی موعودی سسلروخ
حکم جهاد ورسه اونا دل هوس لروخ
مهدی مدام شیعه یه ایستکلی یاردور
روی زمینه حجت پروردگاردور
قاف بلند عزته عنقادی سوگلیم
نور دو عین حضرت طاهادی سوگلیم
غبطه آپارسا وار یری یوسف کمالینه
مصری ده ورسه آزدی یاناقینده خالینه
واردی خبرده کویینه عیسی اولور غلام
کل جهانه حاکم او مولادی والسلام
خاک قدومی گوزلر ایچون طوطیا اولور
پرده دالیندا دالدالانیر کیمیا اولور
قیلسا ظهور سیر زمانی دولاندیرار
چرخ عدالت اوسته جهانی دولاندیرار
گوندر الهی گوزلریمین اوسته ساخلیوم
اولسارضاسی جان کیمی جاندا قوجاخلیوم
منده "امینم" اولسون امانت بو شه منه
تیر بلایم آتسا منی قلب دشمنه
- جمعه
- 22
- مرداد
- 1400
- ساعت
- 14:18
- نوشته شده توسط
- یوسف اکبری
ارسال دیدگاه