ای سالان نظامه عشق لر قطارین
دوندرن بهشته قبری قم دیارین
عالمی قویان حیران
قبروه اولاخ قربلان
ای عزیز عالم
بو مقامه چاتماق لطف لم یزلدی
صحنۀ رواقون جنّت ازل دی
قبروین صفاسی عرشدن گوزلدی
وار صفا مزارون دا
گل بیتوب کنارون دا
ای عزیز عالم
زایروخ بو قبره شمع عشقه یانوخ
یتسه غم یولوندا صبر ایدوب دایانوخ
بو گوزل ضریحین باشینه دولانوخ
یانسا شمعه پروانه
منّتین وورار جانه
ای عزیز عالم
چکمیشوخ بیر عمری قبرون اشتیاقین
اشگیله سیلاق بیز قبریوین رواقین
صحنوه جهاندا قویسا کیم ایاقین
آرزو بهشت ایتمز
قبریوه گلن گِتمز
ای عزیز عالم
فرقت عالمنده جاندان ال گوتوردوق
آرزویوصلی قبروه یتوردوق
قبرون اوسته تحفه گوز یاشی گتیردوق
اشگیمیز دؤنوب سیله
لطفیله نظر ایله
ای عزیز عالم
نکهتین آلاردوق قبریوین اوزاقدان
عطرون آلّوخ ایمدی بو گوزل رواقدان
یوز چوورمسن سن هیچ زمان قواقدان
نچه گون قوناقوخ بیز
لطفه اشتیاقوخ بیز
ای عزیز عالم
مقصده یتیشدوخ شکر اولا خدایه
ایتمسن عنایت ایلروخ گلایه
آند ویروق آخر قارداشون رضایه
دلده دردیمیز چوخدور
چاره ایلین یوخدور
ای عزیز عالم
مقصد و مرامه نایلوق قاپوندا
ایلسن کرامت مایلوق قاپوندا
نا امید ایتمه سائلوق قاپوندا
شمع آهه یانوق بیز
باشیوه دولانوق بیز
ای عزیز عالم
- جمعه
- 22
- مرداد
- 1400
- ساعت
- 17:2
- نوشته شده توسط
- یوسف اکبری
- شاعر:
-
ناشناس ؟؟؟
ارسال دیدگاه