گل ای شاه خوبان امام زمان
سنه شیعه قربان امام زمان
سالیلار عذابه مسلمانلاری
اورکلر اولور قان امام زمان
عدالت الوبدور حقیقت آقا
نه حرمت قالبدور نه عزت آقا
سبب دور بونا هانسی علت آقا
توکور قان بو انسان امام زمان
آماندور آقا سن ایله ظهور
دوتوبدور جهانی که شور و نشور
فنادور قرانلیق ظهور ایتسه نور
یخار کفری ایمان امام زمان
الوندن بیزه گلسه حکم جهاد
تاپار ال بیر اولساق اوزین اتحاد
گیدر بین دن چوخ فجور و فساد
اولار مشکل آسان امام زمان
بولورسن اورگلر اولوب بی‌قرار
ایشیقلی گونوزلر بیزه تیره تار
شاد اوللوخ سن آلسان اله ذوالفقار
مهیادی میدان امام زمان
تعجب ایدور عالم آمریکایا
تسلط تاپوبدور هامی دنیایا
ویریلار جهاندا ظلومدان تایا
قودورموش او شیطان امام زمان
آلیب درسین اوندان بو ابن سعود
آدی مسلماندی عملده یهود
بیر اود یاندیریبدور دوتوب جوّی دود
دیور خلقه قان قان امام زمان
بو اسرائیلیلن وروب قول قولا
گیچور گه قباقه صاقا گه صولا
نه ایشدور که بولمم گیدور بیر یولا
یهود و مسلمان امام زمان
حقارتله شیعه جهاندا یاشیر
چکور ناله آه و فغاندا یاشیر
غم و غصه درد کلاندا یاشیر
اوزون ایله درمان امام زمان
"امینم" جهاندا نه قانلار گیدور
نه جانلار نه روح لار روانلار گیدور
اجل پیکی آغلور جوانلار گیدور
خراب اولدی دوران امام زمان
- جمعه
- 22
- مرداد
- 1400
- ساعت
- 17:48
- نوشته شده توسط
- یوسف اکبری
ارسال دیدگاه