گلدی محرم گینه قان آغلیرام
گوزدن آخور اشک روان آغلیرام
گاه علن گاه نهان آغلیرام
شاه شهیدانه عزا ساخلیرام
سرمد انسانه عزا ساخلیرام
ای شه خونین جگر ایوای حسین
وار سنه دنیاده مگر تای حسین
گون گونوز آغلار گجه لر آی حسین
شیعه اثنا عشر آغلار سنه
زاد و ولد بحر و بر آغلار سنه
لعن حق اعمال یزیده اولا
قالمور او قدری گل زهرا سولا
باش آچا زهرا قیزی زلفین یولا
ای شه عطشان حسین وای دیه
اصغر شش ماهیه لایلای دیه
کرب و بلانین چولی طوفانلی دی
لشگر کفار نه عصیانلی دی
کون و مکانین اورگی قانلی دی
ظلم لرین عالمه بولدوردیلر
زاده پیغمبری الدوردیلر
کوفه و شام اهلی وروب ال اله
سالدیلا زهرا بالاسین مقتله
گور نجه پیچیده اولوب مسئله
شمر دنی جنگ و جدل باشلادی
ظلم گلیمین شقی آرغاشلادی
عدله جری اولدولا کفار او گون
ال بیر اولوب اهل ستمکار او گون
آی نج اولوب مسئله دشوار او گون
گون دولانیب اولدی قرا زینبه
گلمیش هامی دوتسین عزا زینبه
چولقیوب افلاکی نوا ناله آه
خیمه و خرگاهینی قورموش سپاه
اوز اوزین ایلوبدی عُمَر رو سیاه
آلانییب آخر گله ری شهرینه
دوشدی خداوند حقین قهرینه
ناله و افغانه گلوب شیعه لر
اشک روانین یوزه گوزدن الر
سهل دور انسان ملک لر ملر
سسلنر ایوای حسین وای حسین
ای سنه لایلای حسین وای حسین
ماه محرم دی "امین" آغلا یان
ساخلا عزا باشه قرا باغلا یان
سینه وی چاک ایله و یا داغلا یان
آغلا قوی آخر هامی قان آغلاسین
اهل جنان اهل جهان آغلاسین
- جمعه
- 22
- مرداد
- 1400
- ساعت
- 18:15
- نوشته شده توسط
- یوسف اکبری
ارسال دیدگاه