قتلگاهون بوریوب جلوه نور
آز قالور محو تماشا اولا حور
گلمیشم من سنه ارنی دیماقا
لن ترانی دیمه ایستکلی بابا
عمه مین خیمه اجلالی یانوب
هر نه ای بیر گونین ایچره تالاتوب
ایندی غملر اورگینده قالانوب
آه و افغانه ایلیور اوز اوزینه
غملی باشین قویوب اوز غم دیزینه
بلبلم باغریم اولوب قان یارالی
یوخ ایدن دردیمه د رمان یارالی
سن دانشیسان دیرم جان یارالی
گل رضا اولما اورکدن آلیشوم
سن دانیشما قوی من دانیشوم
من او پروانه بی بال وپرم
شعله عشقی سنون تک اوپرم
دور بابا ناز ایله نازین چکرم
وای بابا وای دیرم اوخشایارام
اشکیله یاره وه مرهم قویارام
بوته غمده سولان بیر گلونم
باغری غمدن قان اولان بلبولنم
اوزگه فرض ایلمه اوز سوگلونم
آشنایم دیمه بیگانه بابا
گلمیشم دردیمه درمانه بابا
اهل کین باغلادیلار اللریمی
آلدیلار جمله زر وزیوریمی
دوشموشم آختاریرام اکبریمی
یوخدی بیر کس منه غمخواربابا
ایلیم دردیمی اظهار بابا
- جمعه
- ۲۲
- مرداد
- ۱۴۰۰
- ساعت
- ۱۸:۳۵
- نوشته شده توسط
- یوسف اکبری
ارسال دیدگاه