ای آنام فاطمیه ریحانه
خوش گلوبسن بو دل ویرانه
سن منه شمع وفاسن قارداش
منده مدتدی سنه پروانه
دوشموشم چوللره ای معشوقیم
عشقون ایلوبدی منی دیوانه
یوم عاشور بلا دشتینده
سن که وردون جانیوی جانانه
منده یولاردا بلالر چکدیم
دوشموشم ایندی ده بیر زندانه
گلمسیدون بو گجه دیداره
اولماسیدون منیله هم خانه
قورتولانمازدیم الوم چنگیندن
عمروم ایستوردی یِته پایانه
قانلی باشون باشیمی قالخزدی
چاه غمدن اوجا بیر آسمانه
کُل منیم باشیمه کُل آثاری
نقش اولوب روی گل رضوانه
کُنج ویرانه دگول شایسته
استراحت گه اولا مهمانه
سقف سیز منزلی مأوا ایتدون
آگه اولدون همهٔ جریانه
قولاریم باغلی گزوب چوللرده
دوزموشم درد و غم هجرانه
صبریمین جامی جالاندی نیلوم
افّ اولیدی بیله بیر دورانه
قال کناریمده اولوم قربانون
آغلاماق یولداشی اول نسوانه
غصه مرگ اولدی رقیه م قارداش
گوردی باشون بویانبدور قانه
سویله دی عمه بو نه عالمدی
دوندی کُل خانیه بو کاشانه
اوخشور الان بابامین گل باشی
غنچه وقتینده گل خندانه
کونلومین خانه سی ویران اولدی
دور علاج ایله منِ نالانه
یولارین یورقونی زهرا مظهر
زینت اولموشدی فقط دامانه
الدی قورتاردی اوزون القصه
دوشدی زینب شرر نیرانه
ایستدیم گلمدی بیر غساله
غسلینی ورمه گه بیر عنوانه
آل پیغمبره شامین اهلی
آشنالرده دیور بیگانه
رسم دور السه بیری دنیاده
حمل ایدللر اونی قبرستانه
قورخورام گلمسه گر غساله
غسل سیز دفن اولونا دردانه
دشمنین توطئه سی گور نیلور
اذن یوخدور آپارام بیر یانه
دفن ایدوم میتی قبرستاندا
هی سفارش دی گلور یان یانه
لاعلاجم ایله بو منزل ده
قوی قازیم قبر گوزی جیرانه
یولادیم خلعته لا لا گلدی
ایلورم شِکوه حق یزدانه
ارضی حیوانلارا منت قویسون
ورمه سین آنلامیان انسانه
عیبی یوخ من بو قرا کوینکلن
ایلرم کفن او تن عریانه
یاده سالدیقجا "امینی" آغلار
گوندرر نوحه سینی هر یانه
- شنبه
- 23
- مرداد
- 1400
- ساعت
- 18:2
- نوشته شده توسط
- یوسف اکبری
ارسال دیدگاه