دهرده یوخدور هله تای زینبه
هر نه گوزلیکلری سای زینبه
دلده خطادور دیسم آی زینبه
دات ازلدن بو خانم نور دور
علت اودور که آدی مشهوردور
سبط رسول حقه یاور گلوب
کرب و بلا جنگینه داور گلوب
یتمیش ایکی مرده برابر گلوب
عاشق جان بر کف ایام دور
ضامن و سرکرده ایتام دور
ختم رسول مدنی دن نشان
شاه رگینده جریان تاپدی قان
اولدی بلا دشتینه شیر ژیان
سسلدی یا رب العظیم الاحد
ذات خداوندیدن آلسین مدد
با دل پر قوت او دخت علی
کفر قباقینده دایاندی بلی
با همه این بوشلامادی مقتلی
قیلدی توکل او حق داوره
بیردن الین آتدی یالین خنجره
حضرت زهرایه او بیر شیریدی
جنگیدن اول شیر اوزی پیگیریدی
دشمن خونخواریله درگیریدی
حضرت سجاد اونا سالدی هوار
عصرین امامین چکوب اوتدان کنار
یاز قلم عاشور بلادن سوزی
هر نه ای نوش ایلدی جانه اوزی
آغلامادی ایتدیلر آغلار گوزی
گوندوزین ایام اونا تار ایلدی
تنگه قویوب تحت فشار ایلدی
گوندوزون ایام اونا تار ایلدی
تنگه قویوب تحت فشار ایلدی
ابن زیادی گینه خوار ایلدی
خطبه براسینه تاب اولمادی
هر نه خطاب ایتدی جواب اولمادی
کوفه لیلر زینبی یاندیردیلار
ناقه نین اوستونده دولاندیردیلار
سنگ شماتت خانما ویردیلار
اللره یاخمشدی خانملار حنا
باشلامشیدی هامی حمد و ثنا
نیزه ده سلطان اوزی قرآن اوخور
کوفه نی دولدورموش هیاهو و شور
اولمادی بیر کیمسه ده شور و شعور
چوخلاری آفاق اورگین داغلادی
زینب بیچاره ده قان آغلادی
یاندی او هنگامه ده گلدی دیله
ایلدی بی واسطه دلدن گیله
سیز منی سالدیز دیدی بو مشکله
بیر بیره ویردوز هامی اندیشه نی
آرخالادوز قوم ستم پیشه نی
هارداسیز ای کوفه مسلمانلاری
سالدوز الیزدن یره وجدانلاری
باعث اولوبسوز توکه لر قانلاری
کفریدن اولمازدی غرض انتظار
سیز بو حسین قتلینه وردوز شعار
پادشه عرصه قرآن و دین
اُلدی نوایه گلر اهل زمین
شعر و شعارین یازار آغلار "امین"
محضر مولاسینه ایلر سلام
نوکرین ارباب تز ایلر گرام
- یکشنبه
- 24
- مرداد
- 1400
- ساعت
- 11:18
- نوشته شده توسط
- یوسف اکبری
ارسال دیدگاه