ای جبهه لرین یورقونی عرفانلی شهید لر
وی باشلاری پیکرلری آلقانلی شهید لر
هیچ کیم چاتا بولمز سیزه ای شانلی شهید لر
سیز وارث بر حق رسول مدنی سوز
سیز کل خلایقدن او عالم ده غنی سوز
شیران و دلیران سیزه مدیون اولوب ایندی
شاهان و فقیران سیزه مدیون اولوب ایندی
بو ملت ایران سیزه مدیون اولوب ایندی
سیز قانیله ایرانی گلستان ایلیوبسوز
هر منطقه سین روضه رضوان ایلیبسوز
پرواز ایلین عرش معلایه سیز اولدوز
هم یرلره هم گوگلره پیرایه سیز اولدوز
جنت ده علی اکبره همسایه سیز اولدوز
سیزدن توکولن قانلاری تر ساخلامشوخ بیز
ایرانمیزی تحت نظر ساخلامشوخ بیز
سیز دین و دیار و شرف اوستونده فداسوز
سیز مشکل پر فیض بلی نور هداسوز
سیز نور خداسوز شهدا سوز شهدا سوز
سیز اولموسوز ایراندا بو امنیته بانی
بیدار ایلیب سوز هامی مخلوق جهانی
سسلور هامی فریاده بو گون حی ودودی
گوزلر ببگیندن سیله لر بلکه یهودی
بیر بیر ضعفانین گله ایستور اله سودی
اوز باشینی بوندا بیله ظالم یاراجاقدور
آمریکا دا ایرانه گلوب یالواراجاقدور
داعش لره اونلار نقدر یار اولاجاقلار
اولسونلار ایله بیر ایله ده خوار اولاجاقلار
بیر گون بیر آغیر درده گرفتار اولاجاقلار
الله اولاری داریدن آسلاندیراجاقدور
قهریله دوتوب جانلارینی یاندیراجاقدور
ایرانمیزین ساخلیاروخ وجهه وقارین
قان ساللوخ اونین گر یخا بیگانه حصارین
غیرتلی ایگیت ورسه اگر دار و ندارین
ناموسینی ورمز وطنی دینی نی ورمز
بیگانیه فرهنگی نی آئینی ورمز
قیزلار اوزینه مایه بولر حجب و حجابین
قویماز دوتا اوز گللری نین اوزگه گلابین
مفرق له عوض ایلمز اوز گوهر نابین
الدورسه لر اوز وقری نی الدن قویا قویماز
بیگانیه پیراهن عزت سویا سویماز
راحت یاتون ای جبهه ده یان یانه یاتانلار
دین اوسته دیار اوسته قزل قانه باتانلار
شأن و شرف و رتبه شایانه چاتانلار
خوش حالوزه احوالیزه ای شانلی شهید لر
باش قانلی بدن قانلی آی عرفانلی شهید لر
طول اولدی سوزون قورتار "امینی" بسون اولسون
آغلاتما گوزون قورتار امینی بسون اولسون
دای یورما اوزون قورتار امینی بسون اولسون
بو اودلی سخن مجلس جانانه نه لازم
یا انجمن شاه شهیدانه نه لازم
- یکشنبه
- 24
- مرداد
- 1400
- ساعت
- 11:21
- نوشته شده توسط
- یوسف اکبری
ارسال دیدگاه