شهید لرین عزیز شرفلی آدی
خاطرلایب دنیادا هر بیر زادی
بیز اونلارا نارین نارین قطره یوک
اولار بیزه درین درین دریادی
شهید لرین اسور اوجا پرچمی
قزل قانی قزل گلون شبنمی
اولار بیزه بیر اقیانوس مثلی دور
که اونلارا بیزوک دنیزده گمی
شهید لرین آخیب قانی تپراقا
سپیب دیلر اونی صولا هم صاقا
اولاردیلار سبب عزیز هموطن
شرفلنیب هامی اولوبدور آقا
شهید لرین یولون گرک ایزلمک
سوپورلمک عملّی تمیزلمک
تمیزلرین الین اوپوب ساخلاماق
او غفلتی یاتانلاری بیزلمک
شهیدلرین که یوزلری آغدیلار
الوم اونلار ایچون یوخدی ساغدیلار
بیز اونلارین کولگه سینده گزروک
اولار بیزیم قارشمیزدا داغ دیلار
شهیدلرین گل آدلاری شانلی دی
یاتان یرلری ده چوخ عرفانلی دی
بیز اونلارین کنارینده جان سیزیخ
اولار بیزیم کیمی دگول جانلی دی
شهید لرین که آدلاری اوجادی
آقا خانم اوشاق جوان قوجادی
"امینی"یم امینم اوز سوزومه
اولار بیری بیری سیندن شجادی
- یکشنبه
- 24
- مرداد
- 1400
- ساعت
- 11:46
- نوشته شده توسط
- یوسف اکبری
ارسال دیدگاه