فخر ایله ایران نازلی آدوندان صلح و صفا گلدی
یار مریضان میر طبیبان درده دوا گلدی
پر ثمر اولدون بختور اولدون پنجم شعباندا
مظهر ایمان سرور خوبان زین العبا گلدی
روحه صفا گلدی درده دوا گلدی
مقدمینه جانلار اولا قربان زین العبا گلدی
ای مه تابان پنجم شعبان دنیا چراغاندور
وی شه دوران کشور ایران روضهٔ رضواندور
پیر و جوانان با لب خندان شاد و خرامان دور
مظهر ایمان سرور خوبان زین العبا گلدی
گوزلری روشن ایولری گلشن ایلدی مولامیز
هر یانی گورسن غرق به سوسن ایلدی مولامیز
باغلاری ایمن گللری خرمن ایلدی مولامیز
مظهر ایمان سرور خوبان زین العبا گلدی
اولدی مدینه یرور دینه مهد و تماشاگاه
آچدی چیچکلر حور و ملکلر تاپدی زمینه راه
عرض ارادت قصد زیارت وارلاری یا الله
مظهر ایمان سرور خوبان زین العبا گلدی
حیدر ایوینده مرده نی زنده ایلین عیسی تک
ذکر دعاسی حزن و بکاسی حضرت موسی تک
ایلیه هر آن تپراقی مرجان کیمدی او مولا تک
مظهر ایمان سرور خوبان زین العبا گلدی
نور جمالین حسن کمالین چشم قضا گوردی
بولدیگین ایتدی باشینه گتدی هر نه روا گوردی
طاقتین آلدی چوللره سالدی کرب و بلا گوردی
مظهر ایمان سرور خوبان زین العبا گلدی
- یکشنبه
- 24
- مرداد
- 1400
- ساعت
- 14:23
- نوشته شده توسط
- یوسف اکبری
ارسال دیدگاه