ای صاحب عصر ای مه افلاک ولایت
گوزلور او گوزل مقدمیوی خاک ولایت
ای بارگه قدس ولایتده اولان شاه
چوخ گورمه سین آخر سنی بو امته الله
عالمده بشر رتبه سی مولا سنه چاتماز
سن اولماسان عالم بولورم ایمنه چاتماز
سن جان جهان جامعهٔ عشقه ولی سن
اولاد علی مظهر ذات ازلی سن
اسرار دلی اوزگه لره سویلماق اولماز
یار اولماسا هیچ مشکلی حل ایلماق اولماز
سال بیر گذرین قافله سین لاله داقیندان
تر غنچه لر عیناً توکولور گل بوداقیندان
دین کشتی سی لبناندا باتیب لنگه دوشوبدور
یاران وفادار علی تنگه دوشوبدور
افغان و فلسطین ده فغان ایلور احبّا
قانیله قاتور اشکی روان ایلور احبّا
اقوام یهودیت عجب بد اصیلیمیش
شمرین اورگیندنده اولار سنگ دلیمیش
بیر یوللوق عدالت قاپوسین باغلادی اونلار
مین لرجه اورک یاندریبان داغلادی اونلار
باشلارینین اوستونده نه اللهه باخیلار
نه اودلی اورکلر ده اولان آهه باخیلار
پیمانهٔ انسانلقی سیندیردیلا یکسر
گَل گل گل ایا نور دل ساقی کوثر
اودلار توکولور کافرین اودلی اتگیندن
دین اهلی نین اما توکولن قاندی رگیندن
افراد بشر گور نجه وجدانی ایاخلور
کفار دوشوب میدانا قرآنی ایاخلور
فریاد، عرب غیرت و وجدانی آتبدور
دنیا آییلیب لیک اولارین جمعی یاتبدور
احباب اَلیور اشکین اورکلردن آخور قان
ایش قالدی فقط بیر سنه ای صاحب دوران
گَل هارداسان ائللردی یولوندا گوزوموز وار
فاش ایتماقا دللرده بیر عالم سوزوموز وار
هر یاندا مسلمان لار ایچون یاسدی عزادی
هر نقطه یه باخسان گوروسن کرب و بلادی
مدتدی قالیب یرده حسین قانی آلان یوخ
قانلار توکولور تپراقا مجانی آلان یوخ
گَل گل گل ایا ای شه دین یوسف زهرا
سن بول ننه وین حرمتی قویما بیزی تنها
گل درک ایله بو امتی بیر مطلبه خاطر
قارداش الومیندن قوجالان زینبه خاطر
قلبیندن او قدری بی بی وین غم اوخی دگدی
زلفینی آغاردیب او رسا قامتین اگدی
احوالین "امینی" یازیر آخشام سحر آغلور
گوز یاشینی رخسارینه جیحون کیمی باغلور
- یکشنبه
- 24
- مرداد
- 1400
- ساعت
- 14:36
- نوشته شده توسط
- یوسف اکبری
ارسال دیدگاه