طوطی طبعیمه ددیم
گَل دله تا خدیجه دن
بیزده مدیحه باشلیاخ
اولسا رضا خدیجه دن
یوخدی لزومی آلماقا
اهل حجازدن خبر
چشم خلایق جهان
گورمیوب ایله بختور
هانسی خانم اونون کیمی
همته باغلیوب کمر
احسن و آفرین اونا
دینه وروبدی چوخ ثمر
ایندیده واردی گفتگو
زمزمه ها خدیجه دن
دقتون اولسا باخ ددیم
معرفتون هلالینه
جمله جمال و جاهینه
مرتبهٔ کمالینه
خالق لمیزل اوزی
سالدی اونین خیالینه
تاپسین امین بیر نفر
ثروت و ملک و مالینه
بیرده حمایت ایلسین
صبح و مسا خدیجه دن
یازدی مقدراتینه
منشی حی لمیزل
اوغرینا چاتدی بیر جوان
یوسف مصردن گوزل
یعنی محمد امین
عاشق خالق الازل
شکر خدا گوزللنوب
بیر صلواتلن عزل
ایلمسین خدا گوروم
لطفی رها خدیجه دن
راهزنان اول زمان
گوردی گلور جسارته
گونده گیدوردی بیر بیوک
قافله قتل و غارته
ظلم ایلیوب سالاردیلار
یولچی لاری خسارته
خواهش لن او حضرتی
یولادی بیر تجارته
ایتدی او لحظه دن بلی
دفع بلا خدیجه دن
حضرتلن گیدنلره
امن و امان وروب خدا
کیم اونی همره ایلیوب
روح و روان وروب خدا
صاحب کاروانلارین
جسمینه جان وروب خدا
نچه برابر اول شهه
سود کلان وروب خدا
گلدی دوباره یوللارا
صلح و صفا خدیجه دن
- یکشنبه
- 24
- مرداد
- 1400
- ساعت
- 16:40
- نوشته شده توسط
- یوسف اکبری
ارسال دیدگاه