ای شهدا شاهینه غمخوار اولان
لشگر اسلامه علمدار اولان
نوکر دیرینهٔ باب الحسین
جمله مسلمان لارا سردار اولان
ای کرمین کانی سخا مخزنی
شوره یر ای سایه وه گلزار اولان
مزرعهٔ دینه اولان میر آب
عشق حسینیله گرفتار اولان
شربه سو اوستونده گوزی اوخلانان
گوندوزی مانند شب تار اولان
ای ایکی نهر اوسته ایکی قوللاری
طعمهٔ جلاد ستمکار اولان
اصغر عطشان یولوی گوزلوری
اوخلانان ای مشکی سویی جار اولان
چشم امیدیله تیکیبدور گوزین
دست گره بازیوه تبدار اولان
گوشهٔ چشمونله بویورسان نظر
جان تاپاجاق جانینه بیزار اولان
یازمش "امینی" سنه اشعارینی
قوی اوخوسین طالب اشعار اولان
- یکشنبه
- 24
- مرداد
- 1400
- ساعت
- 18:42
- نوشته شده توسط
- یوسف اکبری
ارسال دیدگاه