بو گئجه سمادن یئره نغمۀ ظفر گلوب
سُرَّ مَنْ رَ آ ملکینه منجی بشر گلوب
ماهِ هل اَتایه موسم ظهور اولوب
نرجسین ائوی کلیم عشقه طور اولوب
((یَابْنَ الزّهرا - آقام آقا - یَابْنَ الزّهرا))
افسر زمین و زمان عالمه قویوب قدم
مقدمِ حضورینده لاهوتیان اولوب خدم
یئرده فرشیان ئورک وئروب ودادینه
گویده عرشیان آچوبلا پرچم آدینه
((یَابْنَ الزّهرا - آقام آقا - یَابْنَ الزّهرا))
ای محبّتی شیعه نین قلبینه صفا وئرن
باصفا آدی چاره سیز درد لره دوا وئرن
یابن فاطمه اورک یانور هرایه گل
شیعه لر دوشوبله درده التجایه گل
((یَابْنَ الزّهرا - آقام آقا - یَابْنَ الزّهرا))
ای سالان آدی گلشن عترتی طراوته
ماهتاب عشق و تولّا شب ضلالته
فرقتینده اشک دیده قاندی گل آقا
سینه لر فراق اودوندا یاندی گل آقا
((یَابْنَ الزّهرا - آقام آقا - یَابْنَ الزّهرا))
چک کناره یوزدن نقابون چاتاق وصالیوه
جان فدا اولا هاشمی طلعتینده خالیوه
ای ولیّ لم یزل نگار فاطمه
وئر آقا بو حسرت فراقه خاتمه
((یَابْنَ الزّهرا - آقام آقا - یَابْنَ الزّهرا))
آخرالزّماندی دوشوب سینه لرتلاطیمه
عمرلر گچوبدور آقا آز قالور مما تیمه
بیر نولی بو گوزدن اشک فرقتی سیلم
منده ئولمه میش جمال پاکیوی گورم
((یَابْنَ الزّهرا - آقام آقا - یَابْنَ الزّهرا)
- جمعه
- 29
- مرداد
- 1400
- ساعت
- 10:27
- نوشته شده توسط
- یوسف اکبری
- شاعر:
-
محمد علی مصیبی
ارسال دیدگاه