منم اول شیر که نعره ام صف میدانی یخار
ضرب شستیم داغیدار عالم امکانی یخار
یوخدی باکیم اولا یوز مین بو قدر لشکردن
نعره مین صولتی معمورۂ دنیانی یخار
ایکی انگشتیله خیبر قوپاروب چونکه بابام
من اگر پنجه آچام اوج ثریانی یخار
توکرم برگ خزان تک یره اعدا باشینی
قهریله نعل سمندیم دگه خارانی یخار
منم اول اکبر شهزاده عقابیم نفسی
جنگده رخشی ایلن رستم دستانی یخار
باش قویار درگهیمه عجزیله بهرام فلک
گردشه گلسه قلج خرگه مینانی یخار
بیر تکان ویرسم اگر قهریله گاو و سمکه
گاو ماهی داغیلار صفحۀ غبرانی یخار
ایسته سم بو چولی قیلّام بله قان دریاسی
گر طلاطم ایده بیر موجه سی دریانی یخار
اوج چرخ فلکه اولسا اگر شقّه گشا
برق تیغیم اریدر گنبد خضرانی یخار
گر چکم تیغ شرربار گیرم میدانه
قلجیم صاعقه سی زمرۀ اعدانی یخار
غیظیله آتسام اگر کنگرۀ چرخه کمند
حلقه سی دایرۀ گردش دورانی یخار
نچه گوندور سوسوزام ایچمه میشم آب فرات
بو سوسوزلوق من دلخسته و عطشانی یخار
قانه دونسون بو سویی یاندی اوشاقلار سو دیوب
العطش ناله سی واللهی بیابانی یخار
نوحه خوانیمیدی منیم قمری گلزار عزا
ناله سی صبح و مسا صحن گلستانی یخار
- جمعه
- 29
- مرداد
- 1400
- ساعت
- 23:9
- نوشته شده توسط
- یوسف اکبری
ارسال دیدگاه