مهدیم شال عزا باشیمه من باغلامیشام
ویرمیشم الدن آتامی من اورک داغلامیشام
مهدیم بو گجه سالدیم باشیما شال عزا
گیمیشم قاره‌می من باشلامیشام شور و نوا
آتامین مجلس یاسی اولاجاق حقی ادا
ایستورم کوفه لی لردن ایلیم شکوه گله
کیم اولوب منله یتیم بو گجه بو بزمه گله
نیه ساتدوز دری ای کوفه لیلر سیز خذفه
باخمادوز حیدر آتامدا اولان عدل و شرفه
آند اولا غربت مظلومی شاه نجفه
سجده گاهه توکولن قانه قسم قان آلارام
آتامین قطره به قطره قانینا جان آلارام
آند اولا مظلوم علینون آخان اشک ترینه
آه پر سوزینه و پینه ویران اللرینه
چاهیلن همدم اولان قلبیده کی سوزلرینه
کیم اولا ضد علی باشینه من کول الرم
ذوالفقاریمله علی دشمنی نسلین کسرم
آتامین حقینی دشمن نیه غصبیلن آلا ؟
کوفه شهرینده غریب قالدی نیه شیر خدا؟
کیمده جرأت واریدی باشینه بیریاره ویرا؟
سیز مگر احمدیلن عهد و وفا باغلامادوز
حرمت دین رسولی نیه سیز ساخلامادوز
آتامین دردی چتیندی نجه بو درده دوزوم
غم مظلومی حیدر قانا دوندردی گوزوم
ملجمین اوغلونا وار قلبیده بیر غملی سوزوم
مرتضا کینه سینی سن ئورگه بسلندون
نیه شمشیری ویراندا آدینی سسلندون
یرمی بش ایل ایلدوز حیدری سیز خانه شین
نیلیوب حیدر آتام سیزلره ای فرقه ی کین
که نماز اوسته قانا باتدی شهنشاه غمین
ملجمین اوغلی ویران ضربت ایدوب باشی دونیم
جبرئیل سسلدی ایوای که‌حسین اولدی یتیم
ویرمدی خانه نشینلیقدا آتام الدن امید
کوفه شهرینده علی غربتیلن اولدی وحید
بیله بیلدوز که مرادی آتامی ایتدی شهید؟
قوی دئیوم ئولدورن اول حیدری هانسی غمیمیش
قبره زهرانی قویان همسر قدی خمیمیش
علی ئولمیشدی همان لحظه‌که زهرا ئولدی
غم جانسوز ننه‌م سینه ی یاری بؤلدی
فقط الله بیلوری دفن ایلینده نؤلدی
آی گوزونده اوگجه گوردوله گورسندی لکه
او قدر آغلادی تا چاتدی سسی نه فلکه
باخدی زهرایه دیدی ماه وفا باتما خانیم
قالدی آواره علی گوزدن اونی آتما خانیم
آغلاشور ایندی‌اوشاقلار منی‌آغلاتما خانیم
دور حسین‌جانی ایاقه منیلن‌کوسمه باریش
گوزون آچ فاطمه‌جان حیدریلن بیرده دانیش
شیعه لر ایندی منیم تک بو غمه آغلاللار
غم جانسوز علیده ئورگین داغلاللار
کیمده وار عشق علی گوز یولوما باغلاللار
منتظر لر ایلیون بو گجه عشقیله دعا
تا که تعجیل ظهور ایلسون اول حی خدا
- شنبه
- 30
- مرداد
- 1400
- ساعت
- 23:7
- نوشته شده توسط
- یوسف اکبری
- شاعر:
-
ناشناس ؟؟؟
سردار
این آقا علیرضا اسفندیاری هستند شنبه 21 مرداد 1402ساعت : 21:14