سیر ائدن میقات عشقی شاه گردون جاهیدور
باده ی وحدت ایچوب مست فنا فی اللهیدور
سویلدی من مست وصلم اولموشام عاشق تبار
گورموشم رخسار یاری گتمیش الدن اختیار
ما و من معناسی یوخدور اولموشام مجذوب یار
جوهر عشقیم وجودیم باء بسم اللهیدور
نقطه ی فی تحت بایم بانی کون و مکان
واحد و یکتا حسینم واله و واحد نشان
مستدام و مستمرم مستقر و لامکان
شاهد عشقیم بو میداندا خلیل اللهیدور
وئرمیشم بیر بیر هدایانی بوگون جانانیمه
گلمیشم پروانه تک آتش ویرام بو جانیمه
باده ی پیمانه نی پیوند ائدم پیمانیمه
درک ائدن وحدت وجودیم بو دل آگاهیدور
اکبریم آرام جانیم عشقیده اعجاز ائدوب
قالمیوب اخیامیده لیلایه چوخ چوخ ناز ائدوب
یوز قویوب میدان عشقه رتبه سین ممتاز ائدوب
لیلی نی مجنون ائدن بو رهسپار راهیدور
ناگران نهر فرات اوسته یاتوب شیریم منیم
قامت و قد رسا بیر سرو تعبیریم منیم
بیلده قوت دلده طاقت الده شمشیریم منیم
تشنه لب علقم کنارینده وزیر شاهیدور
باشی اوسته من چاتاندا عشقیدن مدهوشیدی
جسمی تیغ و خنجر و پیکانیلن مفروشیدی
قولاری تندن جدا باش یاره لی خاموشیدی
ائیله بیلدیم اوز مدارینده دوتولموش ماهیدور
رخ رخ ماهینه قویدوم قلبیم اولدی بیقرار
گوردی لشکر روح تن یکسر اولوب مجذوب یار
پیلتن آتلی پیاده حمله ائتدی استوار
کیش شه مات ائیلدی گوردی وزیرسیز شاهیدور
اصغریم گهواره دن ناگه یئره آتدی اوزین
یوز دوتوب میقات عشقه آغلادی یومدی گوزین
رمزیله دیلسیز بالا ائتدی بیان آخر سوزین
طفل شش ماهونده بیل مشتاق طی راهیدور
ائیلرم کسب رضای ذات حی داوری
قولاریم اوسته گئتورم کوی عشقه اصغری
چاتدی چون میقات عشقه غنچه لندی لبلری
سسلدی گویده ملکلر آخرین تنخواهیدور
حرمله درک ایلدی چون عاشق شش ماهه نی
چکدی زه پرتاب ائدوب اوچ شعبه تیر آهنی
دگجگین نازک بوغازه قان اولوب پیراهنی
آسمانه اوج ائیدن ال آندا دود آهیدور
بیر باخون نازک بوغازدان اوچ طرفدن قان سوزر
قان سوزر اوچ سمتیدن اوچ رشته ی مرجان دوزر
بیر بالیخ تک خوردا جسمی قانه غرق اولموش اوزر
سالکی مبهوت ائیدن بو صحنه ی جانکاهیدور
مفتی دوران عجب تنگ ایلدون دنیانی سن
کفریلن ائتدون برابر مسلک عرفانی سن
عارفی کافر بیلوب ویردون بیله فتوانی سن
سویلدون عامی لره "بیضا "حسین اللهیدور
- دوشنبه
- 1
- شهریور
- 1400
- ساعت
- 13:10
- نوشته شده توسط
- یوسف اکبری
ارسال دیدگاه