بير سوسوزدان قوريان لبلري سو ياد ايلر
گئجه ني صبحه كيمي سو اودو فرياد ايلر
گزر آواره ورار باشني داشدان داشه
ناله ائيلر داليدان ذبح اولونان بير باشه
بلي لازمدو گرك شيعه اولان آغلاشه
گر چه آغلاشماقا بيگانه لر ايراد ايلر
گوزؤن ياشني جاري ايله كم اولما سودان
او تباكا وجب الجنته آئيل يوخودان
لخته لخته اورگي شيعه اولانون اولو قان
گئجه لر ياتماز حسين آديني اوراد ايلر
سينوي چاك ايله آغلا زن ثكلالرتك
اولما بيچاره تماشاچي او اعدا لرتك
غوطه ور قانوه سنده او شهدا لر تك
سني مانع گورك هانسي ايوي برباد ايلر
نجه خاموش اوتورور تشنه لب آقاسي اولن
بويني چينينده گرك آغليا مولاسي اولن
اولو مجنون دولانو ر چولري عباسي اولن
باش آچوق كوچه و بازاره دوشوب داد ايلر
زينب غم زديه گر ساق اوليدي عباس
عالم اولسيدي عدو ايتمزيدي ذره هراس
قويمادي شمر حسينه او خانم دوتسون ياس
بو قدر ظلمي نه فرعون نه شداد ايلر
آتام آنام سنه قربان ابا عبدالله
معاويه اوغلي سنه ائيلدي ثابت نه گناه
اولدروب تشنه سني بیلمدي قوم گمراه
اولدورنلر سني پيغمبره بيداد ائيلر
ياندران بير اوتون آديدو محرم نامه
نقدر شرح اولونا يتميه جك اتمامه
آغليانلار بو شه بيكس و تشنه كامه
قارداشي الده اولن باجيه امداد ائيلر
گوردي كل اوسته حسينون قويوب اعدا باشني
گلدي افغانه آچوب حضرت زهرا باشني
اوخشيوب آغلادي اوپدي كي او زيبا باشني
او باشون عشقي بيزي ناليه معتاد ائيلر
وار هر كيمسه حسين دامننه چنگ اميد
گر شقي سه اولار آخر نفسینده او سعيد
خواه جامه اولا" بيضا "سيه خواه سپيد
پير كامل اوني بير لحظه ده ارشاد ائيلر
- دوشنبه
- 1
- شهریور
- 1400
- ساعت
- 14:10
- نوشته شده توسط
- یوسف اکبری
ارسال دیدگاه