حقیدن ای شمر ظالم سن نه پروا ایلدون
کربلا دشتین حسین قانیله دریا ایلدون
کافرملعون و مردود و منافق اوغلنی
دوتدون ای کاذب سن آتدون صبح صادق اوغلنی
تشنه ئولدوردون کلام الله ناطق اوغلنی
آتدون اوخ اللهه اللهیله دعوا ایلدون
کوفه دن چیخدون حسینون قتلینه فرمانیلن
چگنوه ظالم حمایل ایلیوب قرآنیلن
دویمادون کرب و بلا دشتین سوواردون قانیلن
دعوی اسلام ائدوب اسلامی رسوا ایلدون
سنده ای ظالم بو نه بغض و عداوت کینه دی
وئرمه دون سو بو حسین تشنه عالی طینه دی
دئمدون صدّیقۀ کبرایه نور دیده دی
دین ائوین یخدون ولی میل کلیسا ایلدون.
توکدون ای غافل نه باعث اولدی اکبر قانینی
اکبرون سندن سؤال ائتسه پیمبر قانینی
نه جوابون وار که آل الله اطهر قانینی
جاری نه مقصوده ظالم بی محابا ایلدون.
سهل ساندون اولدی نه باعث امام ئولدورمگی
بی کس و مظلوم امامی تشنه کام ئولدورمگی
شرعیده ائتمیشدی پیغمبر حرام ئولدورمگی
ئولدوروب بو آیدا حقی حقدن اِبا ایلدون.
ایلمیشدی منع پیغمبر ئوزی اسلامیده
وورماسونلار نیزیه باش خاصّ و عامیده
قانلی باشین نیزه ده ظالم ، حسینون شامیده
کوچه و بازاری گزدیردون تماشا ایلدون.
زینب علیا دن ایلردی همیشه گون حجاب
ائتمدون شرم ای لعین بازاره چکدون بی نقاب
نیلمیشدی آل بوسفیانه آل بوتراب
وُردی طعن و ظلمون آخر آشکارا ایلدون.
قویمادون سن اکبرینه آغلیا لیلا ئوزی
اکبره آغلاردی لیلا روزعاشورا ئوزی
کربلا دشتین گزردی حضرت زهرا ئوزی
کربلاده محشر آل للهه برپا ایلدون.
گرچه خالی معرفتدندی بو اهل اردبیل
صدقیلن بو شاه دامانین دوتان اولماز ذلیل
چون که مقصود حاصل اولدی وورما " بیضا" الرّحیل
درگه پاک حسیندن هر تمنا ایلدون
- دوشنبه
- 1
- شهریور
- 1400
- ساعت
- 22:32
- نوشته شده توسط
- یوسف اکبری
ارسال دیدگاه