ای یوزی گُل ، زلفی سَمن ، قارداش علی خوش گلموسن
یاد ایلیوب صغرانی سن ، قارداش علی خوش گلموسن
گلدون منی یاد ایلدون ، بو گوگلیمی شاد ایلدون
محنتدن آزاد ایلدون ، قارداش علی خوش گلموسن
بیر عمردور هجران غمی ، صغرانون اولموش ماتمی
خوش گوردوم ایمدی عالمی ، قارداش علی خوش گلموسن
ای بلبلِ باغِ وفا ، ویردون عجب قلبه صفا
بیماریدیم تاپدیم شفا ، قارداش علی خوش گلموسن
بیماره ای روحِ روان ، سنسن نشاطِ جاودان
سن گلموسن ایتمم فغان ، قارداش علی خوش گلموسن
بو گلماقون خرسندیَم ، بیر جانفشانلوق بندیَم
سندن علی شرمتدیَم ، قارداش علی خوش گلموسن
آهون منه ایلر اثر ، یوخسا که واردور بیر خبر
باشوندا وار شوقِ سفر ، قارداش علی خوش گلموسن
آغلا (ثریا) هر زمان ، گوز یاشوی ایله روان
صغرا دلینجه قیل بیان ، قارداش علی خوش گلموسن
- سه شنبه
- 9
- شهریور
- 1400
- ساعت
- 11:40
- نوشته شده توسط
- یوسف اکبری
- شاعر:
-
مرحوم ثریا تبریزی
ارسال دیدگاه