ای حجت معصوم خدا داده ییتیش گل
معصومیه خاطر تیز آقا داده ییتیش گل
دنیانی توتوب درد و مرض تیز گل اماندی
دنیاده کی انسانلارین احوالی یاماندی
ویروسون الیندن سارالان پیر و جواندی
لطف ایله گتیر آب بقا داده ییتیش گل
جان قورخوسو واردور بشرین مرد و زنینده
هیچ کیمسنون امنیتی یوخ ئوز وطنینده
آثار خزان گورسنیر هر گون چمنینده
گولشنده داحی یوخدو صفا داده ییتیش گل
آز قالدی جهان اهلی ئوله درد و بلادن
دنیایه طرف بیر نظر ایت کربوبلادن
گوندر گله درمان مرضه خاک شفادن
ای منتقم کربوبلا داده ییتیش گل
سن بیل آناوین جانی گلیب دفع بلا ایت
درگاه خداونده مریضانی دعا ایت
بیماریلرین دردینه درمان و دوا ایت
لطف ایت بیزه ای کان سخا داده ییتیش گل
دنیاده هامی گوز تیکیب ایندی سنه مولا
ای سید اولاد نبی نو گل زهرا
عباسه گوره ایله شفاخانه نی برپا
گوندر بیزه درمان و دوا داده ییتیش گل
چون صاحبیمیزسن سنی امداده چاغیرّیق
تنها بو جهاندا سنی بیز داده چاغیرّیق
مشگلده قالان وقتیده فریاده چاغیرّیق
سنده بیزه ایت لطف و عطا داده ییتیش گل
شعبان آییدور امت قران سنی گوزلور
ایولرده قالان دیده سی گریان سنی گوزلور
گوز یاشی قاریشمیش قانا شیران سنی گوزلور
ذکر ایلیییر ای شمع هدا داده ییتیش گل
سن پرده ی غیبتده قالان ماه نهانسان
سن یوسف زهرا نسب عصر و زمانسان
غیبتده حکومت ایلیین شاه جهانسان
شاهنشه هر شاه و گدا داده ییتیش گل
- سه شنبه
- 9
- شهریور
- 1400
- ساعت
- 18:35
- نوشته شده توسط
- یوسف اکبری
- شاعر:
-
علیرضا شیران هفتدران
ارسال دیدگاه