سپهر عشقده رخشنده اختر یاعلی اکبر
جمالون ایلیوب کونی منور یاعلی اکبر
گل باغ وفا شبیه مصطفا
اولوبدی خلقتون هر حیثدن بی مثل و بی همتا
بابان شیرخدا جدّون حبیب حق شه بطحا
آتان شاه شهیدان فاطمه جدّه ن آنان لیلا
عمون، مولاحسن دور، سبط اکبر یاعلی اکبر
وجودون شاهکار صنع بی مانند خلقتدی
جمالون جلوه سین گون گوردوقی گوندن خجالتدی
کشیده قاشلارون عشاقه محراب عبادتدی
سنی زیبا یارالدوب حیّ داور یاعلی اکبر
اگر یوسف گوزلیقدا اولوبدورشهره عالم
گوزلقدا تایین گورمز یقینا عالم و آدم
بویوردی من ملیحم یوسف کنعانیدن خاتم
جمالون مظهر ختم پیمبر یاعلی اکبر
گلستان امامتده آچان خوشبو گل احمر
گورنده گل یوزون یاده دوشردی ختم پیغمبر
صلابتده شجاغتده اولوبسان وارث حیدر
وجودون مظهر اوصاف اکبر یاعلی اکبر
یوزون ای شبه پیغمبر فروغ دیده جاندور
سراپای وجودون معنی و مرآت قرآندور
سنون دلدادهء حُسنون هزاران ماه کنعاندور
اولان گنجینهء تقواده گوهر یاعلی اکبر
دوتوب آوازهء حُسن جمالون یکسر آفاقی
ایدبدور جام عشق و وحدتون سرمست عشاقی
گوزون دریای مِی، گوز کاسه سی ساغر، باخش ساقی
ویرور روح و روان جانه او گوزلر یاعلی اکبر
سنی خلقتده ذات حق یارالدیب آیت عظما
وجودون خلق ایدوب بی مثل و بی همتا حق یکتا
اولوبسان هر صفاتوندا سراپا مظهر طاها
سن ای آل رسول الله مفخر یاعلی اکبر
آنان لیلانون حق ایتسون ایکی دنیا ایوین آباد
حسینون قلبینی شاد ایتدی اولدی اهل عالم شاد
دیور میلاد مسعود علی اکبر مبارک باد
گل آدون ایلیوب عاشقلر ازبر یاعلی اکبر
عزیزه بانوی عالم عروس حضرت زهرا
نماد عشق و ایثار و محبت صبرده دریا
منای عشقه قربان گوندرنده روز عاشورا
اولوبدور هاجره عشقنده برتر یاعلی اکبر
خلیله امر ایدوب اوغلون مناده ذبح ایده منان
خلیل الله ایدوب هاجردن اصل مطلبی پنهان
دیدی حاضر ایله اسماعیلی منله گیدیر مهمان
وجودون رعشه دوتدی قالدی هاجر یاعلی اکبر
منای عشقیده گوردی خلیل عشقی بی یاور
بلا دشتینده لازمدور گوروب بیر صبریلی هاجر
حسینه اوغلونی قربان ویرنده سویلدی مادر
گیت اُل زنده قالا اللهُ اکبر یاعلی اکبر
قاپوزدا سایلم افتادیم من، سنده شهزاده
جوانلقدان قاپوزدیدیم قوجالدیم اولدوم افتاده
گوزونن سالما، هر دم سال بو یالقیز خادمون یاده
(پرندی) امر ایله یازسونلا نوکر یاعلی اکبر
- سه شنبه
- 9
- شهریور
- 1400
- ساعت
- 19:23
- نوشته شده توسط
- یوسف اکبری
- شاعر:
-
حاج محمد پرند
ارسال دیدگاه