جهانی غم بوریوب بلمورم هواده نه وار
غم استه غم توکولور صبح و شام و لیل و نهار
سرشک دیده دی بی اختیار اولور جاری
خراب اولیدی گوروم روزگار غدّاری
گینه نه غم ویروب یوز قطب کون و امکانه
که مهد عالم امکان اولوب عزا خانه
بیله گمان ایدورم ظلمیله ایدوب مسموم
امام صادقی منصور کینه پرور شوم
نجه امام که احیای شرع ایدردی مدام
اونون وجودینه بستیدی انتظام تمام
گیجه گونوز ایشی اجرای شرع انوریدی
سراج مذهب و آئین دینه محوریدی
بیله وجودی نه انصافیله ایدوب منصور
عیال و عترت و انصار و یاریدن مهجور
نجه شهید ایلیوب دل دوداق لارین یاره
نجه علاج یولون باغلیوب او ناچاره
اولوب وجودی سراسر او زهریله آتش
یانوب او آتش ظلمه امام آتش وش
نه دل نه سینه دوتوب اود جگرلری آلیشوب
او گوز یاشیله اورک قانی بیر بیره قاری شوب
سالوب تزل زله ارکان حسمیله جانین
ایدوب او حالتی افسرده یار و اعوانین
بهشت عدنیده حالی علیّ عمرانه
ایدوبدی روضهء رضوانی بیر عزا خانه
آناسی فاطمه رضوان و جنتی دولانور
اوغول اوغول دیور آغلور اوغول غمینده یانور
اولوبدی جدّی رسول گرام گون دوزی تار
دیسم گیچور یری وار ایمدیده گونی آغلار
اگرچه زهر جفائیله حضرت صادق
شکسته قلبیله اجدادینه اولوب لاحقّ
ولیک نعشی اونون قالمادی قوری یرده
یارالی نعشینه اوزقانی چکمیوب پرده
فدا اولوم سنه ای سبط صاحب معراج
نقدری غملره عالمده اولموسان آماج
سنون تاپولمادی بیرکیمسه دفن ایده بدنون
گون ایسبیسی خس و خاشاک اولمیا کفنون
اوپاره پاره اولان نعشی دفن ایدن سجّاد
ننوعی چولقادی قطعه حصیره آخر کار
بیله مصیبته عالمده اولمیوبدی نظیر
شهید اولان نه سنون تک نه اهل بیتی اسیر
اگرچه یازماقا (وافی) بو یرده سوز چوخدی
یارالی قلبه یارا وورماق علّتی یوخدی
- شنبه
- 13
- شهریور
- 1400
- ساعت
- 12:33
- نوشته شده توسط
- یوسف اکبری
- شاعر:
-
مرحوم وافی تبریزی
ارسال دیدگاه