آغلا فریاد ایله شیعه کربلا غوغا اولوب
باغلانوب سو یولّاری بیر محشر کبرا اولوب
ارتزاق عالم ایجادیده اولادی سو
هر یارانمیش بیر وجوده نعمت عظمادی سو
معتبردی بو خبر مهریّه زهرادی سو
منع، آل حیدره ایّام عاشورا اولوب
ننگ و نفرین الهی بیر بئله جمعیّته
عار اولا فرهنگ نامردان انسانیّته
کیم گوروب سو وئرمیه بیر عده امّت امّته
آل اطهاره قیامت عالمی برپا اولوب
سرفراز عاشقلره اولدی عجب بیر امتحان
قاصرم من ایلییَم بو غملی اوضاعی بیان
وای سوسوزلار حالینه فریاد یا صاحب زمان
اهل بیته روز روشن لیلیه یلدا اولوب
کور اولوب چشم فلک گورمور اولور دیللر کباب
سو تاپلمیر خیمه لرده یاندی آل بوتراب
وار یری فریاد ائداخ وای اصغره ایوای رباب
تشنه لبلر ناله سی یکسر بو گون الما اولوب
الله الله کیمسه داده گلمیر آل حیدره
اَل یتیرسین سو کنارینده بنات اطهره
ممکن اولسا سو گتیرسین شیر خواره اصغره
بو مصائبدن معزّا حضرت زهرا اولوب
آیری بیر عالم یاراتدی خیمه لرده قحط آب
چاره سیز قالموشدی گویا خیمده بی کس رباب
اوز سوسوز قربانینه بو نوع ایلردی خطاب
سرگذشتون روز ازّلدن بئله انشا اولوب
اولسا قان گوگلوم سزادی قان اولان دریا کیمی
آغلارام یانّام علی قان آغلین لیلا کیمی
ناله می ساز ایلرم اوغلی اُلن ثکلا کیمی
بولسون عالم دشمنیم اسباب واویلا اولوب
یوخدی نطقون عرض ائدم، بو سرّی اهل دل بولر
گوزلریم مثلی بو احساساتیم آغلار، گه گولر
وای سنون احوالیوه بی کس آنان قالماز اولر
کربلا دشتی ربابه غملی بیر ماوا اولوب
هلهله ایلور جماعت فرصت آزدی مختصر
خیمه خلوتدی بویون قربانی ممکن اولسا گر
باش آچوم قوی بیر دولانیم باشیوه ای صود امر
بولموسن سن تک آنان بی طاقت و یارا اولوب
ظاهراً آل علی شربه سووا محتاجدی
باشلاریندا باطناً حق جلوه سینن تاجدی
جمله سی فکری قوی، اندیشه سی معراجدی
گچدیلر جاندان حسینون نهضتی احیا اولوب
قرب حق مایل لری میل ایلمز آب فرات
مست جام عشق اولانلار ایچدیلر آب حیات
قان وئروبلر نخل دینه اولدولار باب نجات
نهضت سرخ حسینی قانیله امضا اولوب
بیرده گورسم کربلایه یول سالوبدی کاروان
کوله بار آه و افغانیله اولّام باغریقان
ایلرم دل دردینی منده بو نوعیله بیان
باغلانوب سو یولّاری بیر محشر کبرا اولوب
- چهارشنبه
- 17
- شهریور
- 1400
- ساعت
- 23:48
- نوشته شده توسط
- یوسف اکبری
ارسال دیدگاه