محبوب چون حبیبینه کشف ایلیوب جمال
عنقای اوج قدسه أچوب شهپر وصال
بو کشف بو جمالیدن حیران قالوبدی عقل
بو اوج بیر جلالیدی مبهوت اولور خیال
اولدی حبیب مژده وصلیله شادکام
بو مژده سروریده یوز ویردی اوزگه حال
تکمیل ایدن زماندا سفر دوره سین قمر
قیلدی صفر ربیعده گوسترمسین هلال
عرض ایلدی رسوله که یا ایهاالرسول
احضار قرب ایدوبدی خداوند ذوالجلال
ارواح انبیایه سن عرش استه اول امام
بانگ نماز چکماقا قوی من اولوم هلال
شمس نبوت ایستدی تا ایلسون غروب
گزلین ودایعین . قمره ایتدی انتقال
چون صدمه قضا یتوشوب قطب عالمه
دوندی مدار شمس دوتوب عالمی ملال
سسلندی یاعلی ویرورم جان اوزون یتور
جان تک قوجاقلا جسمیمی باشیم کنارین أل
مهریله ماه منزل جوزاده جمع اولوب
بوحال دیتده اودا ایلوردی عرض حال
مندن صورا نه قدری بلا گلسه صبر قیل
صبر ایتمسن مدار شریعت تاپار زوال
عالمده یا علی بو در وحی یانماسا
بیر نفس اولماز ایلیه اظهار لایزال
اسلام منهدم اولی باغلانماساقولون
حق ظاهر اولماز اولماسا زهرا شکسته حال
چکدیم نه قدر زحمت تبلیغ امر حق
اجر رسالت ایلیلر احترام أل
گیچمز اوقد ر اوغلوم حسینین عراقیده فتوا
ویرله قانینی ایتما قلقا حلال
شمشیر یله وجودینی ایلله خط خط
پیکان دمینده سینه سین ایلله خال خال
عباس محنتینده کسر خصم چاره سین
ایلله الف قامتین اکبر غمینده دال
باشی گهی تنوره سالار بانگ های هو
گاهی گزر جداده سالار دیره قیل و قال
کرببلا چولینده قالار روحی زینبین
بزم یزیده گیتسه گیدر قالب مثال
مرحومین بیخود و واقف سرابی
- شنبه
- 3
- مهر
- 1400
- ساعت
- 15:28
- نوشته شده توسط
- یوسف اکبری
- شاعر:
-
مرحوم بیخود سرابی
ارسال دیدگاه